2022 jyldyń 5 aıynda Qazaqstan Respýblıkasynyń aýmaǵynda óndiriletin alkogol ónimderine salynatyn aksızderden túsimder 38,7 mlrd teńgeni qurap, 1,8 esege ósim berip otyr. О́tken jyldyń sáıkes kezeńinde 21,9 mlrd teńge túsken bolatyn. Osyndaı ósimge áser etken faktorlar týraly Qarjy mınıstrliginiń Memlekettik kirister komıteti habarlady.
Memlekettik kirister komıteti Salyqtyq tekserýler, quqyq qorǵaý organdarymen birlesken jedel is-sharalar júrgizý arqyly alkogol ónimderiniń zańsyz aınalymyn anyqtaý jáne jolyn kesý boıynsha júıeli negizde jumys júrgizýde. Máselen, jyl basynan beri aınalymnan ruqsat qujattary joq 829,2 myń lıtr zańsyz alkogol ónimi jáne esepke alý-baqylaý markalary aınalymnan alyndy. Aksızdik beketterdi kúndelikti, jedel baqylaý, óndiris jelilerindegi baqylaý esepke alý aspaptary jáne jazyp berilgen elektrondy shot-faktýralar arqyly alkogol óniminiń óndirisi men aınalymyn qashyqtan baqylaý basymdyqqa ıe.
Bıyl 1 sáýirden bastap jumystan tys (túngi) ýaqytta zańsyz aınalym óndirisin boldyrmaý úshin alkogol ónimin óndirý jelilerinde elektr energııasyn esepteýishter ornatyldy. Sonymen qatar aksızdiń ósýi alkogol óniminiń óndirisi men ımporty kóleminiń ulǵaıýymen, sondaı-aq syraǵa arnalǵan aksız mólsherlemesiniń 1 lıtrge 57 teńgeden 79 teńgege deıin jáne tabıǵı emes sharaptarǵa 35 teńgeden 100% spırttiń lıtrine 2 550 teńgege deıin artýymen baılanysty.
Bıyl qańtar aıynan bastap «Etıl spırti men alkogol óniminiń óndirilýin jáne aınalymyn memlekettik retteý týraly» Zańmen konıak pen brendıge eń tómengi bólshek saýda baǵalaryn retteý engizildi. Bul 1 lıtrge 2 930 teńgeni quraıdy, tıisinshe «psevdo-konıak» óndirisi azaıdy jáne kúshti lıker-araq ónimderi retinde aksız tóleý 100% spırt teńge/lıtr 250 teńgeden 2 550 teńgege deıin qurady.