23 maýsym kúni saǵat 10:00 shamasynda Katonqaraǵaı aýdanynyń qutqarýshylaryna Muztaýda tórt alpınıst qar kóshkininiń astynda qaldy degen aqparat túsken, dep habarlaıdy Egemen.kz.
Apat saldarynan eki adam qaıtys boldy. Bireýi 1992 jyly týǵan. Ekinshisi 1988 jyly týǵan Reseı Federasııasynyń azamaty. Sondaı-aq, 1990 jyly týǵan azamat zardap shekken.
Taý shatqalyna ShQO TJD jedel-qutqarý jasaǵynyń qutqarýshylarymen «Qazavıaqutqarý» MI-8 tikushaǵy jiberildi. Oqıǵa ornyna kelgen tikushaq aýada 1 metr bıiktikte qalyqtap turyp, qutqarýshylar tikushaqtan túsip qaza bolǵandardy bortqa shyǵarǵan. Al jaraqat alǵan er adamǵa apattyq medısınasy ortalyǵynyń dárigerleri alǵashqy medısınalyq kómek kórsetti.
Shyǵys Qazaqstan oblysy