DDU maımyl sheshegin pandemııa dep jarııalady. Bul týraly uıymnyń saıtynda jarııalandy, dep habarlaıdy Egemen.kz.
DDU uıymynyń saıtynda málim etilgendeı, maımyl shesheginiń órshýi jahandyq mańyzy bar tótenshe jaǵdaı dep tanyldy.
Qazir ınfeksııany juqtyrý jaǵdaılary 58 elde anyqtaldy, naýqastardyń jalpy sany 3 400-den asty. Infeksııanyń taralý qarqyny apta saıyn artyp keledi. DDU teris saldardy azaıtý úshin vırýs tarap jatqan barlyq jerde shuǵyl sharalar qabyldaý kerektigin atap ótken.
Eske salaıyq, buǵan deıin Dúnıejúzilik densaýlyq saqtaý uıymy 23 maýsymda maımyl shesheginiń órshýiniń jahandyq qaýpin baǵalaý úshin tótenshe komıtet otyrysyn shaqyratynyn málimdegen bolatyn.
Uıymnyń bas dırektory Tedros Adhanom Gebreıesýstiń aıtýynsha, maımyl shesheginiń buǵan deıingi órshý jaǵdaılarymen salystyrǵanda, vırýstyń bul jolǵy nusqasynda erekshelikter bar. Sol sebepti vırýsologtar buǵan jiti nazar aýdarýy tıis.