Oblystyq tarıhı-ólketaný mýzeıinde «Aqtóbeniń aqparat álemi» atty kórme ótti.
Oǵan «Kedeı» («Aqtóbe») gazetiniń 1928 jylǵy jáne «Stepnaıa pravda» («Aktıýbınskıı vestnık») gazetiniń 1921-1923 jyldardaǵy sandary, Shalqar aýdandyq tarıhı-ólketaný mýzeıiniń qorynda saqtalǵan «Sosıalıstik týy» («Shalqar») gazetiniń 1934 jyly latyn qarpimen shyǵarylǵan nómiri qoıyldy. Qundy dúnıelerdiń qataryna 1941 jyly shyqqan «Sosıalıstik jol» («Aqtóbe»), «Aktıýbınskaıa pravda» («Aktıýbınskıı vestnık») basylymdarynyń sarǵaıǵan paraqtaryn da qosýǵa bolady.
Sondaı-aq kórme zalynda oblystyq tarıhı-ólketaný mýzeıiniń qoryna ár jyldary tapsyrylǵan eski fotoapparattar da qoıyldy. Osy zaldan eski fotoapparattarmen túsirilgen óńir tarıhynan syr shertetin aq-qara tústi fotolardy da kórýge bolady. Sońǵy jyldary oblystyq muraǵatta óńir tarıhynyń shejiresine aınalǵan oblystyq basylymdardy elektrondyq formatqa kóshirý jumystary qolǵa alyndy.
Aqtóbe oblysy