Tehas shtatynyń San-Antonıo qalasynyń shetinde qaraýsyz qalǵan júk kóliginde 46 mıgranttyń máıiti tabyldy, dep habarlaıdy Egemen.kz BBC News-ke silteme jasap.
О́rt sóndirý qyzmetkeriniń aıtýy boıynsha, 16 adam, onyń ishinde tórt bala aýrýhanaǵa jetkizildi. Taǵy birneshe adam ystyq aýadan zardap shekti.
Amerıka-Meksıka shekarasynan 250 km qashyqtyqta ornalasqan San Antonıo kontrabandashylar úshin tranzıttik baǵyttyń negizgi núkteleriniń biri.
«Qutqarýshylar oqıǵa ornyna jergilikti ýaqyt boıynsha saǵat 18:00-de (Nur-Sultan ýaqyty boıynsha saǵat 4:00) qaıtys bolǵan adam týraly habar túskennen keıin bardy. О́rt sóndirý bóliminiń qyzmetkerleri júk kóliginiń qasynda óli adamnyń denesin tapqan. Keıin kóliktiń esigin ashqan kezde taǵy birneshe adamnyń denelerin kórdi», dedi San-Antonıo órt sóndirý bóliminiń bastyǵy Charlz Hýd.
Sondaı-aq júk kóliginde aýa salqyndatqyshtyń ornatylmaǵanyn, sýdyń bolmaǵanyn atap ótti.
Aıana Toǵanbek