PETROPAVL. 28 sáýir. Soltústik Qazaqstan oblystyq tártiptik keńes músheleri Ýálıhanov aýdany ákiminiń orynbasary Ermek Mahatovty qyzmetine laıyqsyz dep tapty. Bul jóninde oblystyq memlekettik qyzmet isteri jónindegi departamenttiń baspasóz qyzmeti habarlady.
Aýdandyq qurylys jáne sáýlet bóliminiń basshysy qyzmetin qosa atqarǵan sheneýnik «Memlekettik satyp alý týraly» Zańdy óreskel buzǵan. Atap aıtqanda, tenderdiń qorytyndysy boıynsha «Dýlat» jeke kásipkerlikpen shart jasasyp, tıisti qarajatty onyń esepshotyna kúni buryn aýdaryp jibergen. Al ákelinýi tıis kólikter úshti-kúıli joq.
Ákimniń orynbasary bıýdjettiń qarjysyn ýaqytyly ıgerý qajet boldy degen ýájdi kóldeneń tartqanymen, onyń bul áreketi zań talaptaryn óreskel buzý dep tanyldy. Sóıtip, oryntaǵynan shettetý jóninde tıisti oryndarǵa usynys berildi.
О́mir Esqalı.
Derekkóz: Soltústik Qazaqstan oblystyq memelkettik qyzmet isteri jónindegi departamentiniń baspasóz qyzmeti.
Foto: yvision.kz.