ASTANA. 28 sáýir. Eýrazııalyq ekonomıkalyq odaq erkindik pen teńdik ustanymdary negizinde qurylýy tıis. M.Lomonosov atyndaǵy Máskeý memlekettik ýnıversıtetinde dáris oqyǵan kezinde Qazaqstan Prezıdenti osyny aıtty. Bul týraly «QazAqparat» agenttigi habarlady.
Qazaqstan basshysy Nursultan Nazarbaev eýrazııalyq ıntegrasııanyń jańa perspektıvalary týraly jasaǵan leksııasynda óziniń osyndaı odaqtyń bastaýshysy da, jaqtaýshysy da bolyp qala beretinin jetkizdi.
«Men Eýrazııalyq odaqtyń múmkin ekendiginiń myǵym jaqtasy boldym ári bolyp qala berem de. Biz qazirdiń ózinde ony qurýǵa jaqyndap qaldyq. Ol erkindik, teńquqylyq, ózara tıimdilik, árbir eldiń pragmatıkalyq múddesin eskerý ustanymdary negizinde qurylýy tıis», - dedi ol.
Osy rette QR Prezıdenti Eýrazııalyq odaq ıdeıasy kóterilgen sonaý 90-shy jyldary óziniń bul bastamasy TMD elderiniń kóptegen saıasatkerleri úshin túsiniksiz bolǵandyǵyn atap ótti.
«Búginde ol iskerlik ortada, qoǵamdyq-gýmanıtarlyq deńgeıde keń aýqymdaǵy qajettilik bolyp otyr», - dedi Elbasy.
Qurysh Nurymbet.
Derekkóz: «QazAqparat».
Foto: www.spr.ru.