ASTANA. 28 sáýir. Eýrazııalyq ıntegrasııa túsinigibúginde naǵyz brendke aınaldy. M.Lomonosov atyndaǵy Máskeý memlekettik ýnıversıtetinde oqyǵan leksııasy barysynda Qazaqstan Prezıdenti Nursultan Nazarbaev osyny aıtty. Bul týraly egemen.kz tilshisi habarlady.
«Búginde eýrazııalyq ıntegrasııa túsinigi saıasatkerler, ekonomıster, jýrnalıster, qoǵamdyq orta belsendi qoldanatyn brendke aınaldy», - dedi N.Nazarbaev dárisi kezinde.
Qazaqstan lıderi qazirgi zamanǵy eýrazııalyq ıdeıasynyń ómir shyndyǵynan alshaq jatpaǵanyna nazar aýdardy. Ol ómirdiń óz qajettiliginen týyndap otyr.
Eń aldymen ıntegrasııalyq úderiske qatysýda barlyq elder úshin táýelsizdik pen saıası egemendik, árıne, basym másele bolyp qala bermek. Al ıntegrasııa elderdiń ózara jaqyndasýlaryn talap etedi.
«Buǵan qosa, áýel bastan-aq onyń máni Qazaqstan, Reseı, Belarýs, sonymen qatar eýrazııalyq keńistiktiń basqa da elderiniń qarapaıym adamdarynyń múddesine shynaıy qamqorlyq kórsetýge negizdelgen», - dedi Nursultan Nazarbaev.
Memleket basshysy óz sózinde osy jyldar ishinde Keden odaǵy elderiniń shekarasy ashyq bola túskendigin, úsh eldiń azamattary shekaradan erkin ótip, júkterin kedergisiz tasymaldaı alatyn bolǵanyn da atap ótti.
Murat Aıtqoja.
Derekkóz: egemen.kz
Foto: wikimapia.org.