Úndistannyń soltústiginde jolaýshylar avtobýsy tereń shatqalǵa qulap, 16 adam qaza tapty, dep habarlaıdy Egemen.kz ABC News-ke silteme jasap.
Oqıǵa Úndistannyń Hımachal-Pradesh shtatyndaǵy Kýllý okrýginde boldy. Aýyr zardap shekkenderge kómek kórsetilip, olar aýrýhanaǵa jetkizildi. Jergilikti bıliktiń málimetinshe, avtobýsta 20-ǵa jýyq jolaýshy bolǵan.
Jol apatynyń naqty sebebi belgisiz. Jalpy Úndistanda kólikti abaısyz júrgizý, nashar joldar jáne eskirgen kólikterdiń saldarynan adam ólimimen aıaqtalatyn jol-kólik oqıǵalary jıi bolady.
Polısııanyń málimetinshe, jyl saıyn Úndistanda jol-kólik oqıǵalarynan 110 myńnan astam adam kóz jumady.