Shymkent qalasynda qylmystyq atqarý júıesi departamenti basshysynyń mindetin atqaryp júrgen orynbasary qamaýǵa alyndy. Bul aqparatty QR Ishki ister mınıstrliginiń baspasóz qyzmeti rastady, dep habarlaıdy Egemen.kz.
«2022 jyldyń 9 shildesinde Shymkentte óziniń qyzmettik kabınetinde QAJD bastyǵynyń mindetin ýaqytsha atqarýshy ustaldy. Sotqa deıingi tergeý amaldary paraqorlyq faktisi boıynsha júrip jatyr. Ustalǵan azamat ýaqytsha ustaý ızolıatoryna qamaldy», delingen ishki ister mınıstrligi taratqan habarlamada.
Anyqtalǵandaı, oǵan qatysty bultartpaý sharasyn sanksııalaý qaralyp jatyr.
«Sybaılas jemqorlyq máselesi ishki ister mınıstrliginiń kúndelikti baqylaýynda. Osyǵan uqsas faktiler týraly QR IIM ózindik qaýipsizdik basqarmasyna habarlasýǵa bolady», deıdi vedomstvodan.