Aqtóbeniń Alǵa aýdany, Eset batyr aýylynda qaıǵyly jaǵdaı tirkeldi. 6 jastaǵy bala sýǵa batyp ketti, dep habarlaıdy Egemen.kz.
Oblystyq TJ departamentiniń kezekshi-dıspetcherlik qyzmetine Alǵa aýdany Eset batyr aýylyndaǵy qaıǵyly jaǵdaı týraly 10 shilde kúni saǵat 16:15-te habarlaǵan.
«2016 jyly týǵan balanyń sýǵa batyp ketkeni jóninde habarlama kelip tústi. Shaqyrtý ornyna qutqarýshylar dereý jetken kezde Eset batyr aýylynan 2 shaqyrym jerdegi Tamdy ózeniniń boıynda balanyń sýǵa túskeni belgili boldy. Ol ata-anasynyń qaraýynsyz tyıym salynǵan jerge shomylǵan. Qutqarýshylar balanyń denesin 2,5 metr tereńdikten alyp shyqty», dep habarlady oblystyq TJD baspasóz qyzmeti.