Shyǵysta «Qazaqstannyń úzdik taýary-2022» baıqaýynyń dástúrli kezeńi ótti. Úzdik taýar saıysynda Shyǵys Qazaqstan jáne Abaı oblysynyń 70-ten astam taýar óndirýshileri óz ónimderin tanystyrdy.
Bálen jerdiń baly, túgen jerdiń maly degendeı, óńirdi kópshilikke tanytatyn taýary. Tanytqany óz aldyna, jergilikti jerdiń damýyna da úlken úles qosady. Resmı derekterge súıensek, byltyr Shyǵys Qazaqstannyń ishki ónimi bes trıllıon teńgeni qurasa, shaǵyn jáne orta bıznestiń úlesi shamamen 20%-ǵa jetken eken. Al bes jyl buryn tek 17% bolypty. Demek Shyǵystyń árbir úshinshi turǵyny shaǵyn jáne orta bıznespen aınalysady deýge bolady.
Búgingi baıqaýda otandyq brend qalyptastyrmaq nıette eleýli eńbek etip júrgen kásipkerler óz taýarlaryn arqalap О́skemenge kelgen. Is-sharanyń basty maqsaty da jergilikti óndirýshilerdi qoldaý, eldegi óndiristiń damýyna serpin berý edi.
– Bizde ejelgi grýzın tehnologııalary boıynsha jasalǵan tabıǵı ónimder bar. Aıtalyq, sýlýgýnı, brynza, adygeı irimshikterin óndirip otyrmyz. Sondaı-aq qaımaq pen maıǵa da suranys joǵary. Bul baıqaýǵa biz alǵash ret shaqyrtý aldyq, – dedi Joǵarǵy Úbi aýylynan kelgen «UTEX» JShS fırmasynyń ókili Oksana Blınova.
«Qazaqstannyń úzdik taýary 2022» óńirlik baıqaýynda birqatar qatysýshy belgili atalymdar boıynsha jeńimpaz atandy. Atap aıtsaq, «О́ndiristik maqsattaǵy úzdik taýarlar» atalymyna «SP Jet» JShS, «MSK Group kz» JShS jáne «Kazelektromash» JShS jeńimpaz atandy. «Halyqqa arnalǵan úzdik taýarlar» atalymynda «Keremet» JShS, «Terra Vıta» JShS, «Roza kıiz basý kombınaty» JShS úzdikter qatarynan kórindi. «Úzdik azyq-túlik taýarlary» atalymyna «Arnna Minerals» JShS, «Bagratıon Ulan» JShS jáne «Buqtyrma ýyldyryq shashý-ósirý sharýashylyǵy» ıe boldy.
Bul erekshe baıqaý jármeńke formatynda ótti. Qala turǵyndary, qonaqtary óńirdiń úzdik óndirýshileriniń ónimderimen tanysyp, keregin satyp alyp jatty. Olardy satyp ala aldy.
Shyǵys Qazaqstan oblysy