Jyl sońyna deıin Qazaqstanǵa 700 myńǵa jýyq sheteldik týrıst keledi dep kútilýde. Bul týraly Mádenıet jáne sport vıse-mınıstri Erjan Erkinbaev ishki týrızmdi damytý máseleleri boıynsha kóshpeli keńeste aıtty, dep habarlaıdy Egemen.kz Úkimet basshysynyń saıtyna silteme jasap.
«28 elmen 107 baǵyt boıynsha halyqaralyq qatynas, sondaı-aq 77 eldiń azamattary úshin vızasyz rejım qalpyna keltirildi. Ulttyq parkterge kelýshiler sany da ósti. 2021 jyldyń qorytyndysy boıynsha 1,5 mıllıon adamdy quraıdy. 2022 jyldyń sońyna deıin ulttyq parkterge kelýshilerdiń sanyn 1,6 mıllıonǵa deıin arttyrý josparlanyp otyr», delingen habarlamada.
Ishki týrızmge keletin bolsaq, ótken jyly 6,9 mıllıon ishki týrıst bolǵan, bul - 2020 jáne 2019 jyldarmen salystyrǵanda rekord kórsetkish.
eQonaq júıesiniń arqasynda týrısterdi 6 myńnan astam qoldanýshy, sonyń ishinde qonaqúıler, týroperatorlar jáne tipti jeke tulǵalar tirkeıdi. Sol arqyly sheneýnikter naqty ýaqyt rejıminde týrısterdiń qaıdan keletinin, olardyń jasyn, jynysyn, bolý uzaqtyǵyn, sapar baǵyty boıynsha qalaýlaryn kóredi.
Jyl sońyna deıin Qazaqstanda negizgi kapıtalǵa salynǵan ınvestısııalardy 708 mıllıard teńgege deıin ósirý josparlanǵan. О́tken jyldyń qorytyndysy boıynsha 31 myńnan astam jumys orny ashyldy.