Barshaǵa belgili, eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isinde buqaralyq aqparat quraldary eleýli ról atqarady. Osy taıaýda ǵana Buqaralyq aqparat quraldary qyzmetkerleriniń kúni qarsańynda «Qazaq radiocy» radıostansasy men «Qazaqstan» ulttyq telearnasy basshylarynyń Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtarymen marapattalýy joǵarydaǵy sózimizge dálel bola alady.
Buqaralyq aqparat quraldary, beınelep aıtsaq, bizdiń kúndelikti tynys-tirshiligimizdiń bólinbes bir bólshegi. Ony ásirese biz sekildi jasy egde tartqan adamdar erekshe sezinedi.
Kezinde «Habar», «Qazaqstan» ulttyq telearnalarynan «Shynnyń júzi», «Dara jol», «Nur tileý», «Júzden júırik», taǵy basqa da osy sekildi mazmundy habarlardy jıi tamashalaýshy edik. О́kinishke qaraı, keıingi kezderi ondaı habarlardan kóz jazyp qaldyq. Telekórsetilimderdiń kópshiligi bir saryndy, kórermenderdi ózine tartpaıdy. Kóbine-kóp buryn túsirilgen habarlardy qaıtalap berip jatady.
«Qazaq radiocy»-nan góri, «Shalqar» radıosynyń habarlary tartymdyraq ári ulttyq qalypqa jaqyndaý sekildi áser qaldyrady. Radıodan óner adamdary týraly tanymdyq habarlardyń jıi berilgenin qalar edik.
Ádette kúz aılarynda radıo men telearnalardyń habarlardyń jańa formatyna kóship jatatynynan habarymyz bar. Olaı bolsa, biz de tyńdarman ári kórermen retinde mazmundy da tartymdy habarlardyń kóp bolǵanyn quptaımyz.
Káribaı ÁMZEULY,
eńbek ardageri
Túrkistan oblysy