Aýyldaǵy aǵaıynnyń densaýlyǵy syr berse, «bir-eki kúnnen keıin jazylyp keter» dep jaıbaraqat júretini jasyryn emes. Jany kózine kóringende ǵana dárigerge kórinýge asyǵatyny ras. Tipti emshi jaǵalap ketetinderi de jeterlik. Bul rette shalǵaı aýyldarǵa qatynap júrgen medısınalyq jyljymaly keshenniń paıdasy zor.
Iá, shalǵaıdaǵy jurtshylyq qashanda kásibı ári bilikti dárigerlerge muqtaj. Aýyl turǵyndarynyń aq jeleńdiler qabyldaýyna barý úshin uzaq joldy eńserýine týra keledi. Pandemııa saldarynan óńir aralaýy toqtaǵan jyljymaly medısınalyq keshender búginde qaıta jumysyna kirisýde. Baıanaýyl aýdandyq aýrýhanasynyń bas dárigeri Serikjan Arynovtyń aıtýynsha, kóshpeli jyljymaly medısınalyq keshender aımaqqa qarasty aýyldarda eki kún qatarynan turǵyndardy qabyldaıdy.
– Aýdanymyzdan shalǵaıda ornalasqan aýyldar az emes. Eldi meken turǵyndarynyń sanyna baılanysty dárigerlerdi eki kúnge bólemiz. Iаǵnı mamandarymyz alǵashqy kúni rentgen jáne flıýorografııa qyzmetin kórsetýmen aınalysatyn bolsa, ekinshi kúni jalpy qabyldaý kabınetteri jumysyn jalǵastyrady. Keshen ishi sıfrlyq jabdyqtarmen jabdyqtalǵan. Odan bólek terapevt, pedıatr, hırýrg, akýsher-gınekolog, okýlıst, kardıolog, nevropatolog, onkolog dárigerleri de shaǵym boıynsha qabyldaıdy. Jalpy, aýdandyq jáne qalalyq aýrýhanalarǵa qatynaı almaıtyn adamdar úshin densaýlyq jaǵdaıynyń qalypty ekenine kóz jetkizý úshin jaqsy múmkindik. Oǵan qosa tıimdi tustary barshylyq. Ásirese balalar men jasóspirimder skrınıngten jáne kásibı teskerýden óte alady. Jyljymaly medısınalyq keshende qart adamdar men múmkindigi shekteýli jandarǵa da jaǵdaı jasalǵan. О́zderińizge belgili, Baıanaýyl aýdanynda aýa raıynan bólek, joldar únemi keshenniń qatynaýyna múmkindik bermeıdi. Sondyqtan da jer aıaǵy keńigen ýaqytta jáne oqý jylynyń basynda jylyna eki márte keshendi kóliktermen sapardy uıymdastyramyz. Qys mezgilinde qardyń qursaýynda jatqan aýyldarǵa barý múmkin emes, – deıdi S.Arynov.
Maýsym aıynyń sońynda medısınalyq jyljymaly keshenniń sapary aıaqtalypty. Dárigerler Uzynbulaq, Sátbaev, Musa Shorman, Jarylǵapberdi, Jańajol jáne ózge de aýyldar men aýyldyq okrýgterge qatynaǵan. Shamamen myńnan astam turǵyn qamtylypty. Aýyldaǵy aǵaıyndy kóbine qan qysymy, júrek aýrýlary mazalaıtyn kórinedi.
Kúrkeli aýyldyq okrýginiń turǵyny Aıymgúl Shahan keshendi kólikterdiń qolaıly ekenin aıtty.
– Jumat Shanın aýylyna qonys aýdarǵanyma 1 jyldan asa ýaqyt boldy. Alǵash ret kólik kesheniniń dárigerleriniń qabyldaýyna kirdim. Tıimdiligi sol, uzyn-sonar kezek kútpeısiń. Keshenniń ishi óte taza, jınaqy. Bastysy, dárigerler sypaıy. Rentgenge túsý úshin aýdan ortalyǵyna qatynaýdyń qajeti joq. Degenmen, oǵan memlekettik mekemelerde jumys isteıtin adamdar tekserile almaıdy desedi. Basymdyq qarapaıym turǵyndarǵa arnalǵan eken. Sol sebepti barlyq aýyl turǵynyn qamtyǵan jón dep sanaımyn, – deıdi A.Shahan.
Oblystyq densaýlyq saqtaý basqarmasynyń arnaıy medısınalyq qamtamasyz etý, densaýlyq saqtaý júıesindegi sıfrlandyrý jáne memlekettik kórsetiletin qyzmetterdi monıtorıngileý bóliminiń bas mamany Sholpan Meńdiǵalıevanyń aıtýynsha, eń áýeli aımaqtarda tapshy maman tizbegi anyqtalyp, arnaıy dáriger jiberiledi eken.
– Oblysymyzda Aqsý qalalyq aýrýhanasy, Baıanaýyl, Jelezın, Ertis, Sharbaqty, Pavlodar aýdandary jyljymaly medısınalyq keshenmen qamtylǵan. Sáıkesinshe, atalǵan aýdandardaǵy kólik kesheniniń jumys jospary aıaqtalyp, keshen kólikteri oblysymyzdaǵy ózge qala men aýdandarǵa jiberiledi, – deıdi ol.
Pavlodar oblysy