Ult saýlyǵy – basty nazarda

О́ńir basshysy Jedel medı­sı­nalyq járdem aýrýhana­sy, Semeı medısınalyq ýnıversı­tetiniń gospıtali jáne jedel medısınalyq járdem stansasyna baryp, qyzmetine qanyqty.

Aıtalyq, 375 orynǵa shaqtal­ǵan Jedel medısınalyq járdem aýrýhanasy 2013 jyly «100 mektep, 100 aýrýhana» baǵdarlamasy boıynsha salynǵan. Táýlik boıy shuǵyl túrde jumys isteıtin aýrýhana tek Semeı óńirine ǵana emes, oblystyń birqatar aýdanynyń turǵyndaryna da qyzmet kórsetedi. Munda ınsýlt pen túrli júrek-tamyr aýrý­laryn emdeýge arnalǵan ope­ra­sııalyq kómektiń aýqymdy qyz­metterin kórsetýge qaýqarly gıbrıdti operasııalyq bólmesi bar. Sonymen qatar osynda polıtravma ortalyǵy jumys isteı bastaǵanyn aıta ketken oryndy. Gıbrıdti operasııalyq bólmesinde jylyna 3 myńǵa deıin operasııa jasalady. Onyń ishinde koronarlyq jáne endovaskýlıarlyq operasııa, sondaı-aq polıtravmalyq operasııalar qamtylǵan. Atalǵan zamanaýı bólme medısına qyz­metker­lerine jedel koronarlyq sınd­rom men mı qan aınalymy buz­yl­ǵan naýqastarǵa jedel me­dı­s­ına­lyq kómektiń bar­lyq spek­trin usynýǵa, sol seki­ldi «al­tyn saǵat» qaǵıdatyn saq­taý­ǵa múmkindik berdi. Tutas­taı al­ǵan­da, munda 612 925 adamǵa medı­sı­nalyq qyzmet kórsetilip júr. Onyń 370 myńy semeılikter bolsa, qalǵan 250 myńdaı adam – óńir halqy.

Al Jedel medısınalyq jár­dem stansasy balalar men eresekterdiń ómirlerine qaýip tóngen jaǵdaılarda, demek shuǵyl kómek qajet kezde, sol sekildi jiti sozylmaly aýrýlar men olardyń asqynýlary kezinde oqıǵa ornynda, sondaı-aq stasıonarǵa barar jolda, onyń ishinde tótenshe jaǵdaılarda, jappaı apattar kezinde shuǵyl kómek kórsetedi. Atalǵan stansa bir táýlikte orta eseppen 700-den asa shaqyrtý­dy oryndaıdy. Stansa ujymy tótenshe jaǵdaılarda, túrli oqıǵalar men pandemııa syndy epıdemııalyq kezeńde de turaqty mobıldi daıyndyq rejiminde jedel járdem kórsetedi. Munda 50 jedel medısınalyq járdem brıgadasy jumys isteıdi. Atap aıtsaq, 1 reanımasııalyq brıgada, 1 psıhıatrııalyq brıgada, 3 kar­dıologııalyq brıgada, 4 pe­dıat­rııa­lyq brıgada, 37 feld­sherlik brıgada jáne 4 qarqyndy terapııa brıgadasy.

Semeı medısına ýnıversı­teti­niń gospıtaline kelsek, onyń quramyna stasıonar, aýysymdyq ýaqytta 250 kelýshige arnal­ǵan konsýltatıvtik emhana ki­redi. Onda ortalyqtyń jo­ǵa­­ry bilikti mamandary jáne me­­dı­­sına ýnıversıtetiniń pro­fes­sorlyq-oqytýshylar qura­my qabyldaý júrgizedi. Gospı­taldiń bólimsheleri zamanaýı joǵary emdeý-dıagnostıka­lyq jabdyqtar jáne apparattar­men (gaz, elek­trolıt, gematolo­gııa­lyq tal­daýyshtar, zamanaýı rent­genodıagnostıkalyq, ýl­tra­­­dy­bystyq apparattar, en­doskop­tar, endobeınehırýrgııa jab­dyǵy) jab­dyqtalǵan.

Jumys saparyn túıindegen oblys ákimi jedel medısınalyq járdem aýrýhanasyn óńirdegi aldyńǵy qatarly medısınalyq uıymdardyń biri ekenin aıtty.

«Medısınalyq uıymdardyń zamanaýı qural-jabdyqtarmen qam­tylǵany kórinip tur. Sony­men birge sheshilýge tıis máseleler de bar. Jedel járdem stansasyna toqtalsaq, Abaı oblysynyń qurylýyna baılanysty Aqsýat jáne Kókpekti aýdandary qo­syl­ǵandyqtan onyń qamtý aı­maǵy ulǵaıdy. Soǵan sáıkes qo­symsha qarjylandyrý qajet bola­dy. Bul máselelerdi de jan-jaqty qarastyramyz», dedi N.Uranhaev.

Abaı oblysy