Ekonomıkalyq resýrstardyń zańsyz shoǵyrlanýyn anyqtaý maqsatynda monopolııaǵa qarsy organ munaı-gaz, farmasevtıka, kólik-logıstıka jáne ekonomıkanyń basqa da sektorlarynda taldaý jumystaryn júrgize bastady, dep habarlaıdy Egemen.kz.
Bul týraly Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi komıssııanyń vedomstvoaralyq jumys tobynyń otyrysynda aıtyldy.
«Taldaý nátıjeleri boıynsha 140 mlrd teńgege zańsyz monopolııalyq kiris alý faktileri anyqtaldy. Qazirgi ýaqytta sotqa deıingi tergep-tekserý júrgizilýde. Máselen, bıylǵy shildede Jambyl oblysy Ekonomıkalyq tergeý departamenti 697 mln teńge somasyna monopolııalyq tabys alýyna baılanysty (QR QK-niń 221-baby boıynsha) «Qazfosfat» JShS basshylyǵyna qatysty sotqa deıingi tergep-tekserýdi bastady», delingen habarlamada.
Aıta ketsek, komıssııa quramyna quqyq qorǵaý, arnaýly jáne birqatar ortalyq atqarýshy organdardyń, Ulttyq banktiń, Qarjy naryǵyn retteý jáne damytý agenttiginiń, sondaı-aq «Samuryq-Qazyna» UÁQ-nyń birinshi basshylary kiredi.