Shaǵyn ındýstrııalyq aımaqtyń sharapaty

Jaqynda Aqtoǵaı aýdanynda ekinshi shaǵyn ındýstrııalyq aımaq óz jumysyn bastady. Byltyr Áýelbek aýylynda tur­ǵyn­dardyń jeke isin dóń­ge­le­týine múmkindik berilgen edi. Qojamjar aýylynda da osy is­pet­ti ortalyq ashylyp, kásip bas­taý­ǵa nıetti azamattarǵa qo­laı­ly jaǵdaı jasaldy.

Qojamjar aýylynyń tur­ǵy­ny Shynar Túsipbekovanyń mamandyǵy – tiginshi. Buǵan deıin turǵyndardan tapsyrys­tardy qabyldap, turmystyq qa­jettilikterdi tigetin arna­ıy oryn bol­maǵandyqtan, bul is­pen úıin­de aınalysqan. Aýyl­dastary men jaqyn eldi mekenderdegi turǵyndarǵa kór­pe, jastyq, qorjyn tigip, kún­de­­likti nápaqasyn taýyp otyrypty. Áıtse de, úıde tigin tigý yń­ǵaısyzdyq týdyratyny bel­gi­li. Endigi jerde ol aýyl­dyq ákimdik ǵımaratynyń sol qana­tynda ashylǵan sha­ǵyn ındýs­trııa­lyq aımaqta jumy­syn jal­ǵas­tyratyn boldy.

– Turǵyndar tarapynan tigin­shilerdiń ónimine suranys jo­ǵa­ry. Ásirese jazǵy ýaqytta syrǵa salý, qudalyq, mereıtoı syndy toılarǵa qajet dúnıe­ler­ge tapsyrys jıi túsip jatady. Odan bólek, kóılek, jeıde tigý sııaqty jeke tapsyrys­tar bolady. Buǵan deıin onyń bar­ly­ǵyn úıdegi qaýyrt tirliktiń ortasynda otyryp daıyndaý sál qolaısyzdyq týdyrsa, endi jaryq ári keń bólmede jumys isteýge jaǵdaı qarastyryldy. Aýylymyz órkendep, shaǵyn da bolsyn jeke isin dóńgeletip otyrǵan turǵyndarǵa osyndaı múmkindiktiń berilip otyr­ǵa­ny­na qýanyshtymyz, – deıdi ol.

Qojamjardaǵy shaǵyn ın­dýs­­trııalyq aımaqta tigin sa­lo­ny­­men qatar, foto-vıdeo stýdııasy, shashtaraz ben sulýlyq salony bar. Bul ǵımaratty jóndeýge aýdandyq bıýdjetten shamamen 4 mln teńge jumsalǵan. Jergilikti bıliktiń qarjylaı qoldaýy nátıjesinde qazirgi tańda tórt turǵyn aýyldastaryna jaıly jerde sapaly qyzmet kórsete alady. Aldaǵy ýaqytta shaǵyn ındýstrııalyq aımaqtan oryn alǵan kásipkerler bıznesin odan ári damytý úshin memlekettik baǵ­darlamalarǵa qatysýǵa nıet­ti.

Pavlodar oblysy

Aqtoǵaı aýdany