Alǵy shepte – aq jeleńdiler

О́ıtkeni «basy aýyryp, baltyr syzdaıtyn» adamdardyń deni óńirlerde turady. Ári orta­lyqqa qaraǵanda medısına qyz­metiniń sapasy da alys aýyl­darda syn kótermeıtini belgili. Biraq bul másele búginde to­lyq­taı sheshimin tapty deýge ne­giz bar. Máselen, bıyl Al­ma­ty oblysynda densaýlyq saqtaý salasynyń materıaldyq-teh­nı­kalyq bazasyn nyǵaıtýǵa 4,4 mlrd teńgeden asa qarjy bólingen. Sonyń nátıjesinde medı­sına mekemeleriniń jabdyq­tal­ýy 91 paıyzǵa jetip otyr. Igi is munymen toqtamasy anyq. Bıyl qo­symsha taǵy 106 birlik ar­naıy jab­dyqtar satyp alý jos­par­lanypty.

– Memleket basshysynyń al­dy­­myzǵa qoıǵan mindetterine sáı­kes aýrýdyń aldyn alýǵa, me­dı­­sınalyq qyzmettiń qoljetimdi ári sapaly bolýyn qamtamasyz etýge bar jaǵdaı jasalyp ke­le­di. Ǵımarattar jańartylyp, materıaldyq-tehnıkalyq baza nyǵaıtyldy. Jyldan jylǵa osy salaǵa bólinetin qarjy kó­le­mi de artyp keledi. Bıyl bul kórsetkish 4,4 mlrd teńgeden asty. Densaýlyq saqtaý uıymdaryn qajetti mamandarmen qamtýǵa da zor kóńil bólinedi. Oblystaǵy medısına mekemelerine sońǵy úsh jylda 354 dáriger jumysqa qabyldandy. Qajetti qural-jabdyqtarmen, dári-dármekpen tolyq kólemde qamtý jáne dárigerler bilik­ti­li­giniń arqa­syn­da indettiń beti qaı­typ, bar­lyq sala qalypty ómirge oral­dy, – deıdi taqyrypqa oraı Al­ma­ty oblysynyń ákimi Marat Sultanǵazıev.

Jalpy, elimizdiń densaýlyq saqtaý salasyn damytýdyń 2020-2025 jyldarǵa arnalǵan mem­le­kettik baǵdarlamasy ońtaıly júzege asyp otyrǵan aýdannyń kósh basynda Ile aýdany tur deýge bolady. Bıyl aýdannyń me­dısına salasyn memlekettik qoldaý baǵytynda qomaqty is jasaldy. Iаǵnı materıaldyq-tehnıkalyq bazany nyǵaıtý úshin 3,8 mln teńgege medısınalyq jabdyqtar jáne 991 mln teńgege dári-dármek satyp alynǵan. Sondaı-aq ortalyq aýrýhanaǵa oblystyq densaýlyq saqtaý basqarmasynyń qoldaýymen jańadan 5 jedel-járdem kóligi ákelingen eken. Budan bólek aýdan aýmaǵynda kásibin dóńgeletip otyrǵan kásipkerler de demeýshilik jasap, aýdandyq aýrýhanaǵa 3 bir­deı jedel járdem kóligin syı­lapty.

Osy Ile aýdanyna qarasty Boraldaı kentindegi aýdandyq aýrýhana da densaýlyq kúzetinde qapysyz qyzmet etip otyrǵan ujymdar qatarynda. Aýdan orta­ly­ǵy О́tegen batyr ken­tin­degi ortalyq aýrýhanadan keıingi aýdandyq aýrýhana mártebesin ıelengen bul mekeme Boraldaı kenti, Vodnık, KazSIK, Kom­so­mol, Chapaı, Mejdýrechensk aýyldarynyń turǵyndaryna me­dısınalyq qyzmet kórsetedi. Munda stasıonar bólimi, kúndizgi stasıonar bólimi, qabyldaý bólimi, onkolog-mammolog, endokrınolog, stomatolog, hırýrg, gınekolog, nevropatolog, rentgenolog, okýlıst, ÝDZ kabıneti, psıholog, áleýmettik qyzmetter mamandary, ýchaskelik jalpy tájirıbelik dárigerler bólimi jumys isteıdi. Aıtpaqshy, osy Boraldaı ken­tindegi aýdandyq aýrýhanaǵa qarasty KazSık aýy­lynyń dári­ger­lik ambýlato­rııa­­sy bıyl oblys boıyn­sha «Úzdik dárigerlik ambýla­to­rııa» retin­de anyqtalyp, bólim­she­niń meńgerýshisi Tolqyn Sadaq­ba­e­va­ǵa arnaıy dıplom jáne 1 mln 800 myń teńgenin sertı­fıkaty tapsyrylǵan edi.

Almaty oblysy