D.Serikbaev atyndaǵy ShQTÝ basqarma tóraǵasy-rektorynyń mindetin atqarýshy Sáýle Rahmetýllına baspasóz brıfıngin ótkizdi. Jýrnalıstermen kezdesýde joǵary oqý ornynyń basshysy ýnıversıtettiń 2021-2022 oqý jylyndaǵy jetistikterimen tanystyrdy.
Prezıdent Qasym-Jomart Toqaev bıylǵy 11 qańtarda Parlament Májilisiniń otyrysynda sóılegen sózinde: «Jalpy, bárimizge bilim týraly kózqarasymyzdy ózgertý qajet. Gýmanıtarlyq mamandyqtarmen áýestený kezeńi kelmeske ketti. Basymdyqty tehnıkalyq mamandyqtarǵa berý kerek. Injenerler men ónerkásipshilerdiń jańa býynyn ósirip shyǵarý qajet», dep tehnıkalyq mamandyqtardyń mańyzyn atap ótken bolatyn. Osyǵan oraı tehnıkalyq mamandyqtarǵa bólinetin grant sany 60 paıyzǵa ósken. Batys óńirlerdegi túlekter úshin 10 myń grant qarastyrylǵan. Sonymen qatar ýnıversıtet ǵylymyn nyǵaıtý, ǵylymı nátıjelerdi kommersııalandyrý boıynsha naqty mindetter qoıyldy. Aldaǵy ýaqytta granttyq qarjylandyrý arqyly JOO ǵylymyna memlekettik qoldaý kórsetiledi.
– Ýnıversıtet jumys berýshilermen, halyqaralyq deńgeıdegi kóshbasshysy kásiporyndarmen tyǵyz baılanys ornatqan. Bizdiń túlekterimiz ERG, Volkswagen, Simens, Microsoft, Rosneft, Rosatom, Kazatomprom, «Samuryq-Qazyna», «TMK», «ÚMZ», «Kazmınerals», Kazzinc, sııaqty iri kompanııalarda jumys isteıdi. Jumysqa ornalasý kórsetkishi 96 paıyzdy qurap otyr deıdi, – Sáýle Jádigerqyzy.
Keıingi kezde oqýshylardyń tehnıkalyq mamandyqtarǵa qyzyǵýshylyqtary tómendep ketkeni jasyryn emes. Alaıda olar tehnıkalyq bilim alǵan azamattar jumyssyz qalmaıtynyn, jalaqysy joǵary kásiporyndarda qyzmet etýge múmkindikteri mol ekenin eskergeni jón. Bul rette ınjenerlik bilim alýǵa suranysty arttyrý úshin ózara baılanysty úsh modýldi qamtıtyn úzdiksiz ınjenerlik bilim berý júıesi quryldy. Iаǵnı PreUniversity baǵdarlamasy aıasynda Bilim basqarmasynyń qoldaýymen tereńdetilgen fızıka-matematıkalyq daıyndyqty kózdeıtin EKTU Educational Academy jelilik ınjenerlik mektebi quryldy. Ol oblystyń 27 mektebiniń balalary men muǵalimderin biriktirdi. Bul jobanyń maqsaty – aımaqtaǵy mektep oqýshylarynyń shyǵarmashylyq jáne zertteýshilik qabiletterin qoldaý, fızıka, matematıka pánderi boıynsha daıyndyǵyn kúsheıtý.
– Demalys ýaqytynda balalar ýnıversıtet bazasynda nemese «Prostor» jazǵy kampýsynda bilim alady. Qazir 30 bala oqyp jatyr. Qosymsha 70-ke jýyq bala kelesi eki maýsymda lagerge barýdy josparlap otyr, – deıdi ýnıversıtet rektorynyń mindetin atqarýshy Sáýle Rahmetýllına.
Atalǵan ýnıversıtettiń bilim berý bazasy jyldan-jylǵa nyǵaıtylyp keledi. Ispanııa, Italııa, Slovenııa ýnıversıtetterimen birlese otyryp, tehnıkalyq mamandyqtarǵa oqytýdyń zamanaýı ádisteri ázirlengen. Kelesi jyly ýnıversıtet basshylyǵy Abaı, Almaty jáne Túrkistan oblystaryna shyǵatyn jelilik ınjenerlik mektepti keńeıtýdi josparlap otyr. Osy joba úmitkerlerdi tehnıkalyq baǵytqa baýlýdyń mektep negizindegi daıarlyq deńgeıin arttyrady.
– Ishki sapany qamtamasyz etý júıesi – ESG halyqaralyq standarttary negizinde 10 standart ázirlenip, engizildi. Meniń oıymsha, alǵa qoıylǵan josparlar oryndalady. Sebebi úlken daıyndyq jumystary júrgizilip jatyr, – deıdi Sáýle Rahmetýllına.
Tehnıkalyq ýnıversıtette ǵylym salasyna kóp kóńil bólinip keledi. Máselen, joǵary oqý ornynda tıtannan medısınalyq ımplant ónimderin shyǵarý qolǵa alynǵan. Endigi kezekte hırýrgııalyq qural-saımandar shyǵarý kózdelip otyr. Ol úshin О́skemendegi D.Serikbaev atyndaǵy ShQTÝ men Semeı medısınalyq ýnıversıteti arasynda kelisim jasalǵan.
– Semeı medısınalyq ýnıversıtetiniń tıisti patenti bar. Olar bizge habarlasyp, hırýrgııalyq ota jasaıtyn qural-saımandar jasaýdy usyndy. Biraq ol úshin tıisti jabdyqtar qajet. Qazir eki ýnıversıtet birlesip, aqyldasyp jatyrmyz. Sodan keıin qarjy bóletin ınvestor izdeımiz, – dedi D.Serikbaev atyndaǵy ShQTÝ basqarma tóraǵasy-rektorynyń mindetin atqarýshy Sáýle Rahmetýllına.
Atalǵan joǵary oqý ornynda stýdentter úshin qolaıly jaǵdaıdyń bári bar. Bas ǵımarat pen jataqhanalarda fıtnes ortalyqtary ashylǵan. Stýdentterge sportpen shuǵyldaný qoljetimdi bolýy úshin zaldarǵa jańa jabdyqtar ornatylǵan. Aldaǵy oqý jylyna seriktesterdiń ǵylymı jelisin keńeıtý, zertteý nátıjelerin halyqaralyq deńgeıge kóterý, kommersııalandyrý sekildi mańyzdy mindetter qoıylyp otyr.
Shyǵys Qazaqstan oblysy