Talapkerlerdiń ótinishin eskere otyryp, bilim granttary konkýrsyna ótinim qabyldaý merzimi 22 shildeni qosa alǵanda 2 kúnge uzartyldy, dep habarlaıdy Egemen.kz.
Shekti mejeden ótken 103 myń talapkerdiń 80 myńnan astamy joǵary oqý oryndarynyń qabyldaý komıssııasyna qujat tapsyrǵan. Bıyl 92 myń ótinish qabyldanady dep kútilip otyr.
Memlekettik bilim grantyn taǵaıyndaý konkýrsyna qatysý úshin talapkerlerge mynadaı qujattar qajet: jeke kýálik, UBT sertıfıkaty, orta bilimi týraly attestat (TjKB uıymdarynyń túlekteri úshin dıplom) jáne jeńildetilgen sanat boıynsha konkýrsqa qatysý úshin rastaıtyn qujattar. Medısınalyq anyqtamany tamyz aıynda ýnıversıtetke qabyldaý kezinde tapsyrý qajet.