Mas kúıinde kólik júrgizgen 23 azamat ustaldy

Vedomstvonyń sáýir aıynda taratqan derekterine sensek, 1,2 mıllıonnan astam jol qozǵalysy erejesiniń buzylý deregi tirkelipti. Olardyń qa­ta­rynda ishimdik iship rýlge jar­masatyndardyń da qarasy basym bolǵan. Statıstıkalyq derekterge zer salsaq, mas kúıinde kólik basqarǵan aza­mat­­tardyń sany 5,7 myńǵa jetken. О́kinishtisi de osy bolyp tur. Al Jambyl oblysynda jaǵdaı qalaı?

О́ńirde uıymdastyrylǵan «Qaýipsiz jol» jedel aldyn alý is-sharasy barysynda patrýldik polısııa ba­tal­onynyń qyzmetkerleri shetelderde esepte turǵan avtokólikterdiń jalǵan qu­jat­taryn paıdalanýdyń 20 deregin anyqtady. Polısııa qyzmetkerleri respýblıkalyq mańyzy bar «Batys Eýropa –Batys Qytaı» avtojolynda jol qozǵalysy erejelerin buzǵany úshin sheteldik esepte turǵan Toyota Estima markaly avtokóligin toqtatty. Qujattardy tekserý kezinde er adam polısııa qyzmetkerlerine kólik quralyn tirkeý týraly jalǵan kýálik bergeni jáne atalǵan avtokólik qu­jat­ta kórsetilgen eldiń tir­keý ese­bin­de turmaıtyny anyq­tal­dy.

Is-shara barysynda tir­kel­gen barlyq 20 derekke qa­tysty Qazaqstan Res­pýb­lı­ka­sy Qylmystyq kodeksiniń 385-baby 3-bóligi «Jalǵan qujattardy, mórtabandardy, mórlerdi, blankilerdi, poshta tóleminiń memlekettik bel­gi­le­rin, memlekettik nagradalardy qoldan jasaý, daıyndaý nemese ótkizý» boıynsha sotqa deıingi tergeý amaldary bastaldy jáne saraptama taǵaıyndaldy.

«О́ńirde uıym­das­ty­ryl­ǵ­an «Qaýipsiz jol» jedel-aldyn alý is-sharasynyń al­ǵashqy kúninen bastap, jer­gi­likti polısııa qyzmetiniń qyz­met­kerleri 4 200-den astam jol qozǵalysy erejesin buzýdy tirkedi jáne mas kúıinde avto­kól­ikti basqarǵan 23 júr­gizý­­shini ustady. Sonymen qatar aıyppul turaǵyna 118 kólik qoıyldy», deıdi Jambyl oblysynyń Polısııa depar­ta­menti Jergilikti polısııa qyzmeti basqarmasynyń bas­ty­­ǵy, polısııa polkovnıgi Rahymberdi Áshkeev.