Bul týraly Memleket basshysy Qasym-Jomart Toqaev Sholpan-Ata qalasynda ótip jatqan Ortalyq Azııa memleketteri basshylarynyń IV Konsýltatıvtik kezdesýinde aıtty, dep habarlaıdy Egemen.kz.
«Kóliktik baılanysty arttyryp, tranzıt sharttaryn dáıekti túrde jaqsartý qajet. Kartaǵa bir qaraǵan sátten-aq Ortalyq Azııanyń biregeı geografııalyq aýmaqta ornalasqanyn kórýge bolady. Jańa geosaıası jaǵdaılarda bizdiń óńirdiń transkontınentaldyq saýdany ilgeriletýdegi jáne damytýdaǵy róli qarqyndy ósýde. Qazaqstan Transkaspıı halyqaralyq kólik baǵdaryn belsendi damytyp jatyr», dedi Toqaev.
Prezıdenttiń aıtýynsha, 2017 jyldan bastap osy dálizdiń baǵyttary boıynsha konteınerlerdi tasymaldaý 3 esege jýyq ósken.
«Qazaqstan «Mazarı-Sharıf – Kabýl – Peshavar» temir jolynyń qurylysyna qatysýǵa daıyn. Atap aıtqanda, biz temir joldardyń joǵarǵy qurylys materıaldarynyń úzdiksiz jetkizilýin qamtamasyz etip, jyljymaly quramdy usyna alamyz», dedi Memleket basshysy.