Shildeniń basynda maýsymnyń sońǵy aptasymen salystyrǵanda kovıd juqtyrǵandar sany Shymkent qalasynda 3,6 ese ósken. Qalada jyl basynan beri 8 myńǵa jýyq adamnan koronavırýs ınfeksııasy anyqtalypty. Bir jasqa deıingi 565 bala aýyrǵan, 47 adam qaıtys bolyp, 500-den astam naýqas búginde em alýda. Bul jyl basynan bergi statıstıka. О́tken táýliktiń ózinde 145 adamnan qaýipti ınfeksııa anyqtalǵan.
Qalalyq sanıtarııalyq-epıdemıologııalyq baqylaý departamentiniń basshysy Ábdimanap Tólebaevtyń aıtýynsha, ınfeksııa juqtyrǵandar negizinen ashyq sımptommen anyqtalyp jatyr. Osyǵan baılanysty qalanyń bas sanıtary 6 túrli toptaǵy adamdarǵa revaksınalaý mindetti júrgiziletinin málimdedi. Oǵan medısına, áleýmettik qyzmet kórsetý mekemesi, kúshtik qurylymdar ókilderi jáne pedagogter men 50 jastan asqan azamattar kiredi.
Shildeniń sońyna deıin qaladaǵy 27 myńnan astam adamdy Pfizer ekpesimen revaksınalaý josparlanyp otyr. Derttiń órship kele jatqanyna qaramastan, Shymkent burynǵydaı karantınge jabylmaıdy. Koronavırýstyń eki shtammy «Delta» men «Stels-omıkron» taralýda, ásirese ekinshisin juqtyryp jatqan adam kóp.
Áleýmettik jelilerdegi belgisiz bireýlerdiń qorǵanysh kostıýmderin kıip aýaǵa bógde bir zatty shashyp júrgeni beınelengen túsirilim jáne sol arqyly indet taratylyp jatqany jónindegi aqparat megapolıs turǵyndaryn úreılendirip otyr. Bas sanıtar munyń esh shyndyqqa janaspaıtynyn, vırýs aýamen taralmaıtynyn málimdep, jurtty qaýesetke senbeýge shaqyrýda.
Ánýar JUMAShBAEV,
«Egemen Qazaqstan»
ShYMKENT