2014 jylǵy 26 aqpan, Astana, Úkimet Úıi
Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten densaýlyq saqtaýǵa beriletin nysanaly aǵymdaǵy transfertterdi paıdalaný qaǵıdalaryn bekitý týraly
«2014 – 2016 jyldarǵa arnalǵan respýblıkalyq bıýdjet týraly» 2013 jylǵy 3 jeltoqsandaǵy Qazaqstan Respýblıkasy Zańynyń 14-babyn jáne «2014 – 2016 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2013 jylǵy 12 jeltoqsandaǵy № 1329 qaýlysyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten densaýlyq saqtaýǵa beriletin nysanaly aǵymdaǵy transfertterdi paıdalaný qaǵıdalary bekitilsin.
2. Qazaqstan Respýblıkasy Densaýlyq saqtaý mınıstrligi zańnamada belgilengen tártippen nysanaly aǵymdaǵy transfertterdiń bekitilgen somalaryn oblystyq bıýdjetterge, Astana jáne Almaty qalalarynyń bıýdjetterine aýdarýdy qamtamasyz etsin.
3. Oblystardyń, Astana jáne Almaty qalalarynyń ákimderi:
1) nysanaly aǵymdaǵy transfertterdiń bólingen somalaryn ýaqtyly jáne maqsatty paıdalanýdy;
2) esepti aıdan keıingi aıdyń 15-kúnine deıin Qazaqstan Respýblıkasy Densaýlyq saqtaý mınıstrligine nysanaly aǵymdaǵy transfertterdiń bólingen somalarynyń paıdalanylýy týraly esepter berýdi qamtamasyz etsin.
4. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń qaýlysy
2014 jylǵy 26 aqpandaǵy №156 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten densaýlyq saqtaýǵa beriletin nysanaly aǵymdaǵy transfertterdi paıdalaný qaǵıdalary
1. Jalpy erejeler
1. Osy Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten densaýlyq saqtaýǵa beriletin nysanaly aǵymdaǵy transfertterdi paıdalaný qaǵıdalary (budan ári – Qaǵıdalar) «2014 – 2016 jyldarǵa arnalǵan respýblıkalyq bıýdjet týraly» Qazaqstan Respýblıkasy Zańynyń 14-babyna jáne «2014 – 2016 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2013 jylǵy 12 jeltoqsandaǵy № 1329 qaýlysyna sáıkes ázirlendi.
2. Osy Qaǵıdalarda paıdalanylatyn negizgi uǵymdar:
1) jan basyna shaqqandaǵy normatıvtiń yntalandyrýshy komponenti (budan ári – JNYK) – ýákiletti organ aıqyndaıtyn tártippen ındıkatorlardyń negizinde qol jetkizilgen túpkilikti nátıjeler úshin medısınalyq-sanıtarııalyq alǵashqy kómek (budan ári – MSAK) kórsetetin densaýlyq saqtaý sýbektisiniń qyzmetkerlerin yntalandyrýǵa baǵyttalǵan keshendi jan basyna shaqqandaǵy normatıvtiń yntalandyrýshy komponenti;
2) densaýlyq saqtaý salasyndaǵy ýákiletti organ (budan ári – ýákiletti organ) – azamattardyń densaýlyǵyn saqtaý, medısınalyq jáne farmasevtıkalyq ǵylym, medısınalyq jáne farmasevtıkalyq bilim berý, halyqtyń sanıtarııalyq-epıdemıologııalyq salaýattylyǵy, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq qyzmetter kórsetý sapasyn baqylaý salasyndaǵy basshylyqty júzege asyratyn memlekettik organ;
3) densaýlyq saqtaý salasyndaǵy ýákiletti organnyń vedomstvosy – óz quzyreti sheginde tegin medısınalyq kómektiń kepildik berilgen kólemin kórsetý boıynsha qyzmet berýshini tańdaý jáne olarǵa shyǵyndaryn óteýdi, Biryńǵaı ulttyq densaýlyq saqtaý júıesin engizý men damytý monıtorıngin júzege asyrý salasynda retteý jáne iske asyrý fýnksııalaryn júzege asyratyn memlekettik organ.
3. Qaǵıdalar oblystyq bıýdjetterdiń, Astana jáne Almaty qalalary bıýdjetteriniń respýblıkalyq bıýdjetten densaýlyq saqtaýǵa beriletin nysanaly aǵymdaǵy transfertterdi mynadaı respýblıkalyq bıýdjettik baǵdarlamalar boıynsha paıdalaný tártibin aıqyndaıdy:
010 «Oblystyq bıýdjetterge, Astana jáne Almaty qalalarynyń bıýdjetterine tegin medısınalyq kómektiń kepildik berilgen kólemin qamtamasyz etýge jáne keńeıtýge beriletin nysanaly aǵymdaǵy transfertter»;
038 «Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde medısınalyq densaýlyq saqtaý uıymdaryn materıaldyq-tehnıkalyq jaraqtandyrýǵa beriletin nysanaly aǵymdaǵy transfertter».
4. Oblystyq bıýdjetterge, Astana jáne Almaty qalalarynyń bıýdjetterine tegin medısınalyq kómektiń kepildik berilgen kólemin (budan ári – TMKKK) qamtamasyz etýge jáne keńeıtýge beriletin nysanaly aǵymdaǵy transfertter:
1) skrınıngilik zertteýler júrgizýge:
balalar men eresekterdiń nysanaly toptary arasynda «V» jáne «S» gepatıtterin anyqtaýǵa;
áıelder arasynda jatyr moıny obyryn anyqtaýǵa;
eresek turǵyndar arasynda kolorektaldyq obyrdy eki kezeńdik ádispen anyqtaýǵa;
Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana men Almaty qalalarynyń erleri arasynda qýyqasty bezi obyryn anyqtaýǵa;
Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana men Almaty qalalarynyń turǵyndary arasynda óńesh obyryn jáne asqazan obyryn anyqtaýǵa;
Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana men Almaty qalalarynyń turǵyndary arasynda baýyr obyryn anyqtaýǵa;
2) TMKKK sheńberinde bekitilgen halyqqa ambýlatorııalyq-emhanalyq kómek (budan ári – AEK) kórsetýge, sondaı-aq MSAK kórsetetin qalalyq mańyzy bar densaýlyq saqtaý sýbektileriniń qyzmetine qol jetkizgen túpkilikti nátıjeleri úshin JNYK aqy tóleý shyǵystaryna;
3) TMKKK sheńberinde onkologııalyq naýqastarǵa medısınalyq kómek kórsetýge, sondaı-aq Qazaqstan Respýblıkasynyń Úkimeti aıqyndaǵan uıymmen jasalǵan shart boıynsha qarjy lızıngi shartynda satyp alynǵan medısınalyq tehnıka úshin lızıngilik tólemderdi óteý shyǵystaryna;
4) TMKKK sheńberinde aýdandyq mańyzy bar jáne aýyldyń densaýlyq saqtaý sýbektileriniń medısınalyq kómek kórsetýine (shyǵyndaryn óteý respýblıkalyq bıýdjet qarajaty esebinen júzege asyrylatyn joǵary mamandandyrylǵan medısınalyq kómekti jáne gemodıalız qyzmetterin qospaǵanda), sondaı-aq JNYK tóleýge, Qazaqstan Respýblıkasynyń Úkimeti aıqyndaǵan uıymmen jasalǵan shartyna sáıkes qarjy lızıngi shartynda satyp alynǵan medısınalyq tehnıka úshin lızıngilik tólemderdi óteý shyǵystaryna;
5) ambýlatorııalyq-emhanalyq uıymdarda onkologııalyq, mammologııalyq kabınetterdi, onkologııalyq dıspanserlerde (bólimshelerde) ambýlatorııalyq hımıoterapııa kabınetterin, konsýltasııalyq-dıagnostıkalyq emhanalarda (ortalyqtarda), kóp beıindi aýrýhanalardyń bólimshelerinde proktologııalyq kabınet ashýǵa;
6) onkologııalyq dıspanserlerde áleýmettik qyzmetkerler men psıhologtardy engizýge;
7) vaksınalar men basqa da ımmýndyq-bıologııalyq preparattardy, dıabetke qarsy preparattardy, týberkýlezge qarsy preparattardy, gematologııalyq naýqastarǵa arnalǵan hımııalyq preparattardy, gemofılııamen aýyratyn naýqastarǵa qan uıytý faktorlaryn, jiti mıokard ınfarkty bar naýqastar úshin trombolıtıkalyq preparattardy, «V» jáne «S» vırýstyq gepatıtterimen aýyratyn balalardy jáne eresekterdi emdeýge arnalǵan dárilik zattardy, AITV ınfeksııasyn juqtyrǵan adamdardy emdeýge jáne baılanysta bolǵannan keıingi adamdardyń profılaktıkasyna arnalǵan retrovırýsqa qarsy preparattardy, mıastenııamen aýyratyn naýqastardy emdeýge arnalǵan preparattardy, renaldyq anemııasy bar búırek fýnksııasynyń sozylmaly jetispeýshiligimen aýyratyn naýqastardy emdeýge arnalǵan preparattardy, mýkovıssıdozben, mýkopolısaharıdozben, Goshe aýrýymen aýyratyn balalardy emdeýge arnalǵan preparattardy, bytyrańqy berishpen aýyratyn naýqastarǵa arnalǵan preparattardy, ambýlatorııalyq deńgeıde onkologııalyq naýqastarǵa arnalǵan dárilik zattardy (targenttik preparattar), júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazan men ultabardyń oıyq jarasy aýrýlary boıynsha óteý koeffısıentin 0,5-ten 1,0-ge deıin jetkize otyryp, halyqtyń jekelegen sanattaryna dárilik zattar men medısınalyq maqsattaǵy buıymdardy satyp alýǵa paıdalanylady.
2. Tegin medısınalyq kómektiń kepildik berilgen kólemin qamtamasyz etýge jáne keńeıtýge respýblıkalyq bıýdjetten beriletin nysanaly aǵymdaǵy transfertterdi paıdalaný tártibi
5. Oblystardyń, Astana men Almaty qalalarynyń densaýlyq saqtaýdy memlekettik basqarýdyń jergilikti organdary Qazaqstan Respýblıkasy Úkimetiniń 2012 jylǵy 25 qazandaǵy № 1358 qaýlysymen bekitilgen Tegin medısınalyq kómektiń kepildik berilgen kólemin kórsetý jónindegi qyzmetter berýshini tańdaý jáne onyń shyǵyndaryn óteý qaǵıdalaryna sáıkes TMKKK kórsetý boıynsha, onyń ishinde: onkologııalyq naýqastarǵa medısınalyq kómek kórsetýge; aýdandyq mańyzy bar jáne aýyldyń densaýlyq saqtaý sýbektileriniń halyqqa medısınalyq kómek kórsetýine; bekitilgen halyqqa AEK kórsetýge; skrınıngilik zertteýler júrgizýge: balalar men eresekterdiń nysanaly toptarynyń arasynda «V» jáne «S» gepatıtterin, jatyr moınynyń obyryn, kolorektaldy obyrdy eki kezeńdik ádis boıynsha, qýyqasty beziniń obyryn, óńesh obyryn, asqazan obyryn, baýyr obyryn anyqtaýǵa medısınalyq kórsetiletin qyzmetti berýshini tańdaý rásimin júzege asyrady.
6. Medısına qyzmetkerleriniń eńbegine aqy tóleý tártibin kórsetiletin medısınalyq kómektiń kólemine, sapasyna jáne JNYK qarajaty esebinen salalyq júıege qaraı densaýlyq saqtaý salasyndaǵy ýákiletti organ (budan ári – ýákiletti organ) aıqyndaıdy.
7. Tarıfterdi jáne JNYK qalyptastyrý ýákiletti organmen 2009 jylǵy 26 qarashadaǵy № 801 buıryǵymen bekitilgen Tegin medısınalyq kómektiń kepildik berilgen kóleminiń sheńberinde kórsetiletin medısınalyq qyzmetterge tarıfterdi qalyptastyrý jáne shyǵyndardy josparlaý ádistemesine sáıkes aıqyndalady.
8. Aýdandyq mańyzy bar jáne aýyldyń densaýlyq saqtaý sýbektileriniń TMKKK sheńberinde onkologııalyq naýqastarǵa, halyqqa medısınalyq kómek kórsetkeni úshin, bekitilgen halyqqa AEK kórsetkeni úshin aqy tóleý ýákiletti organ bekitken tártippen júzege asyrylady.
9. Halyqtyń MSAK kórsetetin densaýlyq saqtaý sýbektilerine bekitilýdi erkin tańdaýyn jáne aýyl men aýdan deńgeıinde jeliniń turaqty jumys isteýin qamtamasyz etý maqsatynda oblystardyń, Astana jáne Almaty qalalarynyń jergilikti atqarýshy organdary AEK kórsetýge arnalǵan qarajatty ýákiletti organnyń kelisimi boıynsha bólingen qarajat sheginde aýyl, aýdan jáne qala deńgeılerindegi densaýlyq saqtaý sýbektileri arasynda qaıta bólýdi júzege asyra alady.
10. Ýákiletti organ TMKKK qamtamasyz etý jáne keńeıtý boıynsha is-sharalardy iske asyrý sheńberinde nysanaly aǵymdaǵy transfertterdiń tıimdi paıdalanylýyn úılestirýdi jáne monıtorıngileýdi júzege asyrady.
Aýdandyq mańyzy bar jáne aýyldyń densaýlyq saqtaý sýbektileri pasıentti stasıonarlyq kómek nysanynda mamandandyrylǵan medısınalyq kómek kórsetetin qalalyq jáne oblystyq densaýlyq saqtaý sýbektilerine josparly emdeýge jatqyzýǵa negizsiz joldaǵan jaǵdaıda, ýákiletti organ aýdandyq mańyzy bar jáne aýyldyń densaýlyq saqtaý sýbektileriniń medısınalyq kómek kórsetýine bólingen qarajat kólemine ózgerister engizedi.
11. Onkologııalyq dıspanserlerdiń onkologııalyq naýqastarǵa, aýdandyq mańyzy bar jáne aýyldyń densaýlyq saqtaý sýbektileriniń halyqqa medısınalyq kómek kórsetýge, bekitilgen halyqqa TMKKK sheńberinde AEK kórsetýge, JNYK tóleýge arnalǵan nysanaly aǵymdaǵy transfertterdiń engizilýin jáne paıdalanýyn úılestirý men monıtorıngileýdi ýákiletti organnyń vedomstvosy júzege asyrady.
12. Oblystardyń, Astana jáne Almaty qalalarynyń ákimderi TMKKK qamtamasyz etý jáne keńeıtý jónindegi is-sharalardy iske asyrý sheńberinde:
1) osy Qaǵıdalarǵa 4-tarmaǵy 1) tarmaqshasynda kórsetilgen skrınıngilik zertteýlerdi júrgizýdi;
2) onkologııalyq naýqastarǵa tolyq kólemde medısınalyq kómek kórsetýdi jáne ýákiletti organ belgilegen tártippen onkologııalyq naýqastyń onkologııalyq dıspanserdi erkin tańdaý quqyǵyn iske asyrýdy esepke ala otyryp aqy tóleýdi;
3) aýdandyq mańyzy bar jáne aýyldyń densaýlyq saqtaý sýbektileriniń tolyq kólemde medısınalyq qyzmet kórsetýdi jáne ýákiletti organ belgilegen tártippen densaýlyq saqtaý sýbektileriniń arasynda ózara esep aıyrysýdy eskere otyryp aqy tóleýdi;
4) TMKKK sheńberinde bekitilgen halyqqa tolyq kólemde ambýlatorııalyq-emhanalyq kómek kórsetýdi jáne ýákiletti organ belgilegen tártippen densaýlyq saqtaý sýbektileriniń arasynda ózara esep aıyrysýdy eskere otyryp aqy tóleýdi;
5) «Tirkelgen halyq tirkelimi» portalynda (budan ári – «THT» portaly) óńir halqy boıynsha derekterdiń tutastaı alǵanda, onyń ishinde bıýdjetti qalyptastyrý úshin durystyǵy men dáıektiligin jáne olardyń ýákiletti organ belgilegen tártippen ózektendirýdi;
6) MSAK kórsetetin densaýlyq saqtaý sýbektileri qyzmetiniń túpkilikti nátıjelerine qol jetkizgeni úshin densaýlyq saqtaý sýbektileriniń alǵashqy medısınalyq sanıtarııalyq kómek kórsetetin ýákiletti organ belgilegen tártippen JNYK aqy tóleýdi;
7) ýákiletti organ belgilegen tártippen qarjy lızıngi shartynda satyp alynǵan medısınalyq tehnıka úshin lızıngilik tólemderge aqy tóleýdi;
8) ambýlatorııalyq-emhanalyq uıymdarda onkologııalyq, mammologııalyq kabınetterdi, onkologııalyq dıspanserlerde (bólimshelerde) ambýlatorııalyq hımıoterapııa kabınetterin, konsýltasııalyq-dıagnostıkalyq emhanalarda (ortalyqtarda), kóp beıindi aýrýhana bólimshelerinde proktologııalyq kabınet ashýdy;
9) onkologııalyq dıspanserlerde áleýmettik qyzmetkerler men psıhologtardy engizýdi qamtamasyz etedi.
3. Dárilik zattardy, vaksınalardy jáne basqa da ımmýndyq-bıologııalyq preparattardy satyp alýǵa respýblıkalyq bıýdjetten beriletin nysanaly aǵymdaǵy transfertterdi
paıdalaný tártibi
13. Vaksınalardy jáne basqa da ımmýndyq-bıologııalyq preparattardy, dıabetke qarsy preparattardy, týberkýlezge qarsy preparattardy, gematologııalyq naýqastarǵa arnalǵan hımııalyq preparattardy, gemofılııamen aýyratyn eresek naýqastarǵa qan uıytý faktorlaryn, jiti mıokard ınfarkty bar naýqastar úshin trombolıtıkalyq preparattardy, «V» jáne «S» vırýstyq gepatıtterimen aýyratyn balalar men eresekterdi emdeýge arnalǵan dárilik zattardy; AITV ınfeksııasyn juqtyrǵan adamdardy emdeýge jáne baılanystan bolǵannan keıingi profılaktıkasyna arnalǵan retrovırýsqa qarsy preparattardy, mıastenııamen aýyratyn naýqastardy, renaldyq anemııasy bar búırek fýnksııasynyń sozylmaly jetispeýshiligimen aýyratyn naýqastardy emdeýge arnalǵan preparattardy, mýkovıssıdozben, mýkopolısaharıdozben, Goshe aýrýymen aýyratyn balalardy emdeýge arnalǵan preparattardy, bytyrańqy berishpen aýyratyn naýqastarǵa arnalǵan preparattardy, ambýlatorııalyq deńgeıde onkologııalyq naýqastarǵa arnalǵan dárilik zattardy (targenttik preparattar) satyp alýdyń biryńǵaı uıymdastyrýshysy dárilik zattardy, medısınalyq maqsattaǵy buıymdardy satyp alý jáne olarmen qamtamasyz etý jónindegi biryńǵaı dıstrıbıýtor bolyp tabylady.
Osy Qaǵıdalardyń 13-tarmaǵynyń birinshi bóliginde kórsetilgen dárilik zattardy, vaksınalardy jáne basqa da ımmýndyq-bıologııalyq preparattardy satyp alý Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi uıymdastyrý jáne ótkizý erejesine (budan ári – Uıymdastyrý jáne ótkizý erejesi) sáıkes júzege asyrylady.
Júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazan men ultabardyń oıyq jarasy aýrýlary boıynsha boıynsha halyqtyń jekelegen sanattaryna óteý koeffısıentin 0,5-ten 1,0-ge deıin jetkize otyryp, dárilik zattardy, medısınalyq maqsattaǵy buıymdardy satyp alýdy oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary júzege asyrady.
14. Oblystardyń, Astana jáne Almaty qalalarynyń ákimderi
1) ambýlatorııalyq deńgeıde dárilik zattarmen jáne medısınalyq maqsattaǵy buıymdardy qamtamasyz etiletin naýqastardyń elektrondyq tirkelimderin qalyptastyrýdy;
2) respýblıkalyq bıýdjetten beriletin nysanaly aǵymdaǵy transfertterdiń esebinen satyp alynatyn dárilik zattardyń jáne medısınalyq maqsattaǵy buıymdardyń paıdalanylýyna monıtorıng júrgizýdi;
3) Ýákiletti organ bekitken dárilik zattardyń tizbesine sáıkes júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazannyń jáne ultabardyń oıyq jarasy aýrýlary boıynsha turǵyndardyń jekelegen sanattary úshin dárilik zattardy jáne medısınalyq maqsattaǵy buıymdardy satyp alýǵa jergilikti bıýdjetten qarajat bólý aǵymdaǵy nysanaly transfertterdiń esebinen respýblıkalyq bıýdjetten bólinetin qarajatqa teń mólsherde qamtamasyz etiledi;
4) halyqqa ınfeksııalyq aýrýlarǵa qarsy vaksınasııany júrgizýdi qamtamasyz etedi.
4. Jergilikti deńgeıde densaýlyq saqtaý sýbektilerin materıaldyq- tehnıkalyq jaraqtandyrýǵa respýblıkalyq bıýdjetten beriletin nysanaly aǵymdaǵy transfertterdi paıdalaný tártibi
15. Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde densaýlyq saqtaý sýbektilerin materıaldyq-tehnıkalyq jaraqtandyrýǵa beriletin nysanaly aǵymdaǵy transfertter medısınalyq tehnıkany, medısınalyq emes jabdyqtardy, medısınalyq maqsattaǵy buıymdardy satyp alýǵa paıdalynylady.
16. Ýákiletti organ bekitken medısınalyq maqsattaǵy buıymdardyń, medısınalyq tehnıkanyń jáne medısınalyq emes jabdyqtardyń standarttary sheńberinde ýákiletti organ oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdarymen jergilikti deńgeıdegi densaýlyq saqtaý sýbektilerine arnalǵan medısınalyq tehnıkanyń, medısınalyq emes jabdyqtardyń, sondaı-aq medısınalyq maqsattaǵy buıymdardyń tizbesin kelisedi.
17. Medısınalyq tehnıkany satyp alýdy uıymdastyrýdy Qazaqstan Respýblıkasynyń Úkimeti aıqyndaǵan zańdy tulǵa Uıymdastyrý jáne ótkizý erejesine sáıkes júzege asyrady, medısınalyq tehnıkany, medısınalyq emes jabdyqtardy, medısınalyq maqsattaǵy buıymdardy satyp alýdy uıymdastyrýdy oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary júzege asyrady.
Medısınalyq tehnıkany, medısınalyq emes jabdyqtardy, medısınalyq maqsattaǵy buıymdardy satyp alý tizbesin ýákiletti organ aıqyndaıdy.
5. Nysanaly aǵymdaǵy transfertter boıynsha
qarajatty paıdalaný, eseptilik
18. Ýákiletti organ oblystyq bıýdjetterge, Astana jáne Almaty qalalarynyń bıýdjetterine nysanaly transfertter boıynsha nátıjeler týraly kelisimniń, tólemder boıynsha tıisti bıýdjettik baǵdarlamany qarjylandyrýdyń jeke josparynyń negizinde nysanaly aǵymdaǵy transfertterdi aýdarýdy júrgizedi.
19. Nysanaly aǵymdaǵy transfertterdi paıdalaný kezinde únemdeý paıda bolǵan jaǵdaıda, oblystardyń, respýblıkalyq mańyzy bar qalanyń, astananyń jergilikti atqarýshy organdary ýákiletti organmen kelisim boıynsha únemdeý somasyn Nysanaly aǵymdaǵy transfertter boıynsha nátıjeler týraly kelisimde aıqyndalǵan nátıjeler kórsetkishterin jaqsartý úshin paıdalanýǵa quqyly.
20. Qandaı da bir oblys, Astana jáne Almaty qalalary bólingen qarajatty tolyq ıgermegen, onyń ishinde oblystardyń, Astana jáne Almaty qalalarynyń tikeleı jáne túpkilikti nátıjelerge qol jetkizý nátıjeleri boıynsha ıgermegen jaǵdaıda, ýákiletti organ zańnamada belgilengen tártippen nysanaly transfertterdiń somalaryn oblystardyń, Astana jáne Almaty qalalarynyń arasynda qaıta bólý týraly Qazaqstan Respýblıkasynyń Úkimetine usynys engizedi.
21. Oblystyń, respýblıkalyq mańyzy bar qalanyń, astananyń jergilikti atqarýshy organdary jartyjyldyqtyń jáne bir jyldyń qorytyndylary boıynsha ýákiletti organǵa Nysanaly transfertter boıynsha nátıjeler týraly kelisimderge sáıkes bólingen nysanaly transfertterdi paıdalaný esebinen qol jetkizilgen tikeleı jáne túpkilikti nátıjeler týraly esep beredi.
22. Ýákiletti organ Qazaqstan Respýblıkasynyń zańnamasynda belgilengen tártippen jáne merzimde Qazaqstan Respýblıkasy Qarjy mınıstrligine eseptilikti usynady.