Fýtzaldan Qazaqstan ulttyq quramasy qatysatyn 2024 jylǵy álem chempıonatynyń negizgi irikteý kezeńiniń kúntizbesi jarııalandy.
Qazaqstan quramasy besinshi topta Slovenııa jáne Chernogorııa quramalarymen oınaıdy. Barlyq toptyń jeńimpazdary men ekinshi oryn alǵan tórt úzdik komanda elıtalyq kezeńge tikeleı joldama alsa, ekinshi oryn alǵan taǵy segiz komanda ótpeli oıyndarǵa qatysady.
Jerlesterimiz irikteýdiń alǵashqy oıynyn 2022 jylǵy 8 qazanda Slovenııa quramasymen ótkizse, tórt kúnnen keıin Chernogorııaǵa sapar shegedi. Araǵa bir aı salyp, 9 qarashada Chernogorııany óz alańymyzda qabyldaımyz. Al toptaǵy sońǵy match 2023 jyldyń 8 naýryzyna josparlanǵan. Sol kúni Kaka baptaıtyn Qazaqstan ulttyq quramasy Slovenııa fýtzalshylarymen sheberlik baıqasady. Aıta keteıik, 2021 jyly Lıtvada ótken álem chempıonatynda Qazaqstan quramasy tarıhı nátıjege qol jetkizip, fýtzaldan álem chempıonattary tarıhynda tuńǵysh ret jartylaı fınalǵa shyqqan bolatyn.