Elordanyń qoǵamdyq densaýlyq saqtaý basqarmasy gaz toltyrý stansasyndaǵy iri órt saldarynan zardap shekkenderdiń jaı-kúıi jaıly aqparat berdi, dep habarlaıdy Egemen.kz.
Vedomstvo málimetinshe, órt kezinde 4 adam zardap shekken. Olar №1 qalalyq kópbeıindi aýrýhanaǵa jetkizildi.
«1995 jyly dúnıege kelgen naýqasty ortasha aýyr deńgeıde termııalyq kúıik shalǵan. 1992 jyly dúnıege kelgen eki jáne 1969 jyly dúnıege kelgen taǵy bir pasıenttiń jaǵdaıy aýyr. Úsheýinde de - úshinshi dárejeli kúıik shogy. Naýqastarǵa qajetti búkil medısınalyq kómek kórsetilip jatyr», dedi densaýlyq saqtaý basqarmasy.
Eske sala keteıik, 25 shilde kúni saǵat 22.05-te 101 pýltine Qobda kóshesi, 6 mekenjaıynda órt bolyp jatqany týraly habarlama túsken.
Oqıǵa ornyna jedel túrde Nur-Sultan qalasynyń TJD qutqarýshylary jiberilgen.