Aýyl sharýashylyǵy mınıstri Erbol Qarashókeev kartop eksporty týraly málim etti, dep habarlaıdy Egemen.kz.
«Kartoptyń ishki naryqtaǵy aılyq qajettiligi - 152,7 myń tonna. Ákimdikterdiń aqparaty boıynsha, búgingi tańda kartop qory 124,9 myń tonna bolady. Maýsym aıynan bastap erte pisetin kartop jınalyp jatyr. Onyń jalpy kólemi 270,9 myń tonnaǵa jetti. Tamyzdyń birinshi jartysynda 7,8 myń tonna jınaý josparlanǵan.
Bul ishki naryqty molyqtyrýǵa jáne kartop baǵasynyń turaqtanýyna yqpal etkenin aıta ketkim keledi. Osy aıdyń basynan beri kartoptyń baǵasy 5% tómendedi. Qyrkúıekten bastap kúzgi kartopty jınaý bastalady, onyń kólemi 4 mln tonnadan asady. Bul ishki naryqtyń qajettiligin tolyq qamtamasyz etedi jáne belgili bir kólemdi eksportqa jóneltýge múmkindik beredi», dedi mınıstr ortalyq kommýnıkasııalar qyzmetinde ótken brıfıngide.