ASTANA. 3 sáýir. Búgin túnde Bakýde jergilikti «Baký Faıers» komandasyna qarsy ekinshi jartylaı fınaldyq matchty ótkizgen «Astana Arlans» 1:4 esebimen utylyp, jarys jolynan shyǵyp qaldy. Bul týraly Vesti.kz tilshisi habarlady.
Match astanalyqtar úshin sátsiz bastaldy. 52 kıloǵa deıingi salmaqtaǵy Ilııas Súleımenov bakýlik Elvın Mamıshzadege 0:3 bolyp utyldy. Al Samat Báshenov (60 kg) 2-raýndta Albert Selımovten nokaýt aldy. Budan keıin Manat О́mirzaqov (69kg) belorýs legıoneri Evgenıı Romashkevıchke ese jiberdi.
Sosyn 81 kıloǵa deıingi horvat legıoneri Hrvoe Sep alań ıeleriniń sapyndaǵy taǵy bir belorýs Mıhaıl Dolgolevesti tize búktirip, qonaqtardyń birinshi jeńisin ákeldi. Eń sońynan 91 kılodan aýyr salmaqtaǵy kelesi horvat Fılıp Hrgovıch daǵystandyq legıoner Hadjı Mýrtazalıevpen urysta aıqyn basym bolǵan. Ol qarsylasyn tipti bir ret nokdaýnǵa da túsirdi. Biraq tóreshiler jeńisti bakýlikke berip jiberdi. Olardyń ekeýi teń nátıje kórsetse, bireýi alań ıesin ulyqtapty. Osylaısha osy ádiletsiz saldarynan «Baký Faıers» ózderine kerekti esepke qol jetkizdi. Eger match 3:2 bolyp bitkende, alańǵa altynshy jup bolyp Ádilbek Nııazymbetov pen Tımýr Mamedov shyǵatyn edi.
Endi bakýlikter fınalda «Kýba Domadoreske» qarsy shyǵady. Kýbalyqtar jartylaı fınalda Reseı komandasyn Máskeýde – 3:2, al Gavanada 5:0 etip jeńgen bolatyn.
Damır Qojamqul.
Derekkóz: Vesti.kz.
Foto: Vesti.kz