Almatyda Turaqty damýǵa arnalǵan ınnovasııalar men tehnologııalar boıynsha BUU-nyń Ortalyq Azııa ekonomıkalaryna arnalǵan arnaıy baǵdarlamasy (SPEKA) jumys tobynyń 3-shi sessııasy ótti. Kezdesýge qatysýshylar 2021-2022 jyldardaǵy jumys qorytyndylaryn shyǵardy jáne turaqty damý úshin SPEKA ınnovasııalyq strategııasyn iske asyrý tetikterin talqylady.
Turaqty damýǵa arnalǵan ınnovasııalar men tehnologııalar jónindegi jumys tobynyń quramyna joǵary deńgeıli saıasatkerler, zertteýshiler jáne SPEKA-ǵa qatysýshy jeti eldiń, atap aıtqanda, Aýǵanstan, Ázerbaıjan, Qazaqstan, Qyrǵyzstan, Tájikstan, Túrikmenstan jáne О́zbekstannyń ınnovasııalar men tehnologııalar salasyndaǵy basqa da múddeli taraptary kiredi.
Bıylǵy kezdesý gıbrıdtik formatta ótti, oǵan elimizdiń Sıfrlyq damý, ınnovasııalar jáne aeroǵarysh ónerkásibi vıse-mınıstri Asqar Jambakın, Soltústik jáne Ortalyq Azııaǵa arnalǵan sýbóńirlik bólimsheniń (SONCA) basshysy, ESKATO Nıkolaı Pomoshnıkov, BUU Eýrazııalyq ekonomıkalyq komıssııasynyń ókili Krıstofer Atı, sondaı-aq SPEKA músheleri qatysty.
Sessııanyń ashylýynda sóz sóılegen A.Jambakın Qazaqstanda sıfrly transformasııa boıynsha júrgizilip jatqan jumystar týraly aıtyp, nátıjeli sharalar arqyly elimiz onlaın qyzmetterdi damytý deńgeıi boıynsha BUU reıtınginde 11-orynǵa, «elektrondy úkimetti» damytý ındeksi boıynsha 29-orynǵa jáne kıberqaýipsizdik deńgeıi boıynsha 31-orynǵa ıe ekenin atap ótti.
«Biz jańa júıelerdi ázirleý jáne memlekettik servıstermen ózara is-qımyldy jeńildetý úshin azamattarmen jáne bıznespen qarym-qatynas arnalaryn keńeıtý arqyly «Halyq únine qulaq asatyn memleket» tujyrymdamasynyń sıfrly kún tártibin belsendi túrde damytýdamyz. Nátıjesinde, memlekettik qyzmetterdiń shamamen 95%-y avtomattandyrylyp, elektrondy formatqa kóshirildi. Qazir biz qyzmetterdi sıfrlandyrýdyń 100% jolynda turmyz», dedi vıse-mınıstr.
Sonymen qatar A.Jambaqın óńirde bir memleket ǵana júrgizip otyrǵan sıfrlandyrý ESKATO uıymyna qatysýshy barlyq eldiń sıfrly damýyna alyp kelmeıtinin atap ótti. Osylaısha, Qazaqstan zańnamalyq deńgeıde sıfrly qujattardy qaǵaz qujattarǵa teńestirse de, bizdiń sheteldegi azamattarymyz qaǵaz nusqalaryn qoldanýǵa májbúr.
«Biz, árıne, aqparattyq qaýipsizdik jáne memleketter qorǵaıtyn derekterdi taratpaý jónindegi barlyq talapty eskere otyryp, aqparattyq júıelerdiń memleketaralyq ıntegrasııasy týraly baıypty oılanýymyz qajet. Bizdiń túpki maqsatymyz – azamattardyń, bıznestiń jáne memlekettik organdardyń ózara is-qımylyn qarapaıym jáne adamdarǵa baǵdarly etý», dep óz oıyn ortaǵa saldy ol.
Budan basqa, jumys tobynyń otyrysy barysynda Almatyda sýbóńirlik mamandandyrylǵan uıym – ornyqty damý úshin sıfrly sheshimder ortalyǵy qurylatyny belgili boldy. Onyń qyzmeti Ortalyq Azııa óńirin sıfrlandyrýǵa baǵyttalady. Kezdesý sońynda A.Jambakın SPEKA qatysýshylaryn 2022 jylǵy 28-29 qyrkúıekte Nur-Sultanda ótetin Digital Bridge halyqaralyq is-sharasyna qatysýǵa shaqyrdy.