Ormandardaǵy órt qaýiptiligin aýa raıynyń jaǵdaılary boıynsha jikteý ormandardyń órt qaýiptiligine áser etetin meteorologııalyq jaǵdaılarǵa baılanysty tıisti aýmaqta orman órtteri shyǵýynyń jáne taralýynyń yqtımaldylyq dárejesin anyqtaıdy.
Jikteý maqsattary úshin meteorologııalyq jaǵdaılardy sıpattaıtyn keshendi kórsetkish qoldanylady. Keshendi kórsetkishtiń kólemine qaraı aýa raıy jaǵdaılary boıynsha Qazaqstan Respýblıkasynyń ormandaryndaǵy órt qaýiptiliginiń synyby belgilenedi.
Qazaqstan Respýblıkasynyń oblystarynda aýa raıy jaǵdaılaryna baılanysty ormandardaǵy órt qaýiptiliginiń jergilikti synyptary qoldanylady. Osy arqyly keshendi kórsetkishti esepteý ádistemesin; órt qaýiptiligi synyptarynyń shekarasyn; jaýyn-shashyndy esepke alý ádistemesin anyqtaıdy.
Jergilikti synyptardy qoldaný týraly sheshim orman sharýashylyǵy salasyndaǵy aýmaqtyq bólimshelerdiń buıryǵymen resimdeledi jáne ártúrli ýaqyt kezeńderi úshin jeke-jeke belgilenýi múmkin.
Aýa raıynyń jaǵdaılary boıynsha ormandardaǵy órt qaýiptiligin jikteý jóninde aıtar bolsaq, Shyǵys Qazaqstan oblysy úshin órt qaýiptiliginiń synyby kategorııaǵa jiktelinedi. Olar I – joq, II – álsiz, III –ortasha, IV – joǵary, V – tótenshe.
Osy synyptardyń IV-V synyby belgilengen ýaqytta «Tarbaǵataı» memlekettik ulttyq tabıǵı parki aýmaǵynda árdaıym aýmaqty qatań baqylaý jumystary júrgiziledi. Sonymen qatar «Tarbaǵataı» ulttyq parki aýmaǵynda týrıstik baǵyttar boıynsha demalýshylar men basqa da paıdalanýshylarǵa ruqsat qaǵazdary berilmeıdi.
Tabıǵat aıasyna serýendeý kezinde órt qaýipsizdigin katań baqylaý, biz ben sizdiń mindetimiz ári tabıǵatqa tónetin qaterdiń bolmaýynyń kepili.
Qýandyq ShÁRIPQANOV,
«Tarbaǵataı» ulttyq parkiniń ormanshylyq basshysynyń mindetin atqarýshy
Abaı oblysy