Qazaqstannyń juptyq syndaǵy birinshi, álemniń 23-raketkasy Anna Danılına Varshava WTA 250 týrnıriniń shırek fınalyna shyqty, dep habarlaıdy Egemen.kz.
Jarystyń 4-raketkalary bolyp tirkelgen qazaqstandyq tennısshi germanııalyq Anna-Lena Frıdzammen birge bastapqy kezdesýin nıderlandylyq Arıanne Hartono – aýstralııalyq Olıvııa Tıandramýlııamen ótkizdi.
Qazaqstandyq-germanııalyq jup birinshi partııada 6:3 esebimen basym tústi. Ekinshi sette nıderlandylyq-aýstralııalyq dýet ese qaıyrdy – 6:1. Sýper taı-breıkte Danılına men Frıdzam jeńisti julyp aldy – 10:6. Bir saǵat 17 mınýtqa sozylǵan match barysynda qazaqstandyq-germanııalyq jup 1 eıspen birge 7 breık-poınttyń úsheýin paıdalandy. Qarsylastary 4 breıkpen kózge tústi. Danılına men Frıdzam jartylaı fınalǵa shyǵý úshin rýmynııalyqtar Aleksandra Ignatık – Gabrıela Lımen talasady.