Qazgıdromet sınoptıkteri 29 shildede bolatyn erekshe meteorologııalyq qubylystarǵa jasaǵan boljamyn jarııalady, dep habarlaıdy Egemen.kz.
«Belsendi ońtústik sıklon jáne onymen baılanysty atmosferalyq frontaldy bólimder burynǵysynsha Qazaqstannyń búkil aýmaǵyna óz áserin tıgizedi. Osyǵan baılanysty soltústik-batysta, soltústikte qatty jańbyr kútiledi. Naızaǵaı, soltústikte, ortalyqta burshaq, jeldiń kúsheıýi, soltústikte daýyl bolady», deıdi mamandar.
Qostanaı oblysynyń soltústiginde, shyǵysynda, Pavlodar oblysynyń soltústiginde, ońtústiginde, túnde Soltústik Qazaqstan oblysynyń soltústiginde, batysynda, kúndiz Aqmola oblysynyń soltústiginde, batysynda qatty jańbyr jaýady.
Túrkistan, Qyzylorda, Jambyl, Jetisý, Almaty oblystarynyń basym bóliginde, Atyraý, Ulytaý, Abaı oblystarynyń ońtústiginde tótenshe órt qaýpi saqtalady. Kúndiz Almaty, Jetisý, Atyraý oblystarynyń basym bóliginde qatty ystyq saqtalady.
Nur-Sultan qalasynda kún bultty bolady, keı ýaqytta jańbyr jaýady, naızaǵaı, kúndiz burshaq kútiledi. Soltústik-batystan soltústik-shyǵysqa jel aýysady, kúshi -9-14 m/s, kúndiz ekpini 15-20 m/s. Aýanyń temperatýrasy túnde +15+17°S, kúndiz +19+21°S gradýs bolady.
Almaty qalasynda kún kóshpeli bultty, jaýyn-shashynsyz. Jel ońtústik-batystan soǵady, kúshi 3-8 m/s. Aýanyń temperatýrasy túnde +21+23°S, kúndiz +31+33°S bolady.
Shymkent qalasynda kóshpeli bultty, jaýyn-shashynsyz. Soltústik-batystan jel soǵady, kúshi 8-13 m/s. Aýanyń temperatýrasy túnde +21+23°S, kúndiz +35+37°S bolady.