Oral qalasyndaǵy M. О́temisov atyndaǵy Batys Qazaqstan memlekettik ýnıversıtetinde ótken respýblıkalyq stýdent-aqyndar músháırasy «Alash» halyqaralyq syılyǵynyń laýreaty, Aq-jaıyqtyń aq shaǵalasy atanǵan aqyn Aqushtap Baqtygereevanyń mereıtoıyna arnaldy.
Ol – aq sóılep, adal kúletin, shyndyqty jaqtap júretin, syılastyq syryn biletin jan, joqtyqqa tarylmaıtyn, armannan arylmaıtyn aqyn. Janary móldiregen, júregi eljiregen, úmitke sendire bilgen ana. Jas qalamgerler aqynnyń osy qyrlaryn tolǵap, jyr marjanyna aınaldyrdy. Astana, Almaty, Semeı, Qaraǵandy, Qostanaı, Atyraý, Aqtóbe, Oral qalalarynan kelgen jıyrma talapker baq synasty. Olar alǵashqy óleńin Aqushtap aqynǵa arnasa, ekinshisin erkin taqyrypta oqydy.
Aqyn Aqushtap Baqtygereeva jyrlary júrektiń nazdy únimen, kóńildiń sazdy áýenimen ózge bir álemge jeteleıdi.
Keshte sóz alǵan aqyn Aqushtap jastarǵa aq batasyn berdi. «О́leń ólmeıdi. Ol – máńgilik. Men adaldyqty jyrladym, ádildikti sóz ettim. Áıel taqyrybyn usaq taqyryp dep qaraıtyndar bar. Men úshin bul úlken taqyryp. Qazaq áıelin jyrǵa qosý arqyly, qazaq anasyn jyrladym. О́ıtkeni, qazaq qyzy – qazaqtyń bolashaq anasy. Ana taqyrybyn ult taǵdyrymen, urpaq tárbıesimen úndes dep bilem.
«Tańda dese qaıta bastap ómirdi,
Sábı júrek emes oǵan aıypty –
Jyrlaý úshin, súıý úshin elimdi,
Men qaıtadan tańdap alam Jaıyqty», dep jyrlasam, meni tek óz jerin ǵana súıetin aqyn eken dep oılamaý kerek. Jaıyqty jyrlaý arqyly, eldi jyrladym, eldikti aıttym, Jaıyq arqyly tazalyqty, tunyq taza móldirlikti jyrladym» deı kelip, qalyń qazaqtyń Qadyryn shynardyń syńaryndaı Farızasyn eske alyp, kózine jas aldy. Qasym, Taıyr, Juban, Saǵynǵalı, aqyndarǵa qaryndas bola bilgen aqyn apamyz óleń qudiretine bas ıe jyr tolǵady.
Jyr dodasyna túsken dúldúlder aqshalaı syılyqpen marapattaldy. Úshinshi oryndy L. N. Gýmılev atyndaǵy EUÝ stýdenti Lázzat Maqash pen Qaraǵandy «Bolashaq» ýnıversıtetiniń stýdenti Abaı Oraz bólisti. Júldeli ekinshi oryn Shákárim atyndaǵy Semeı memlekettik ýnıversıtetiniń stýdenti Arman Sherızatovqa buıyrsa, birinshi oryndy Qaraǵandy «Bolashaq» ýnıversıtetiniń stýdenti Aıan Meırash ıelendi. Bas báıge M. О́temisov atyndaǵy BQMÝ stýdenti Jadyra Ermanovanyń enshisine tıdi. Bala kezinen aqyn apasynyń óleńderin jattap ósken Jadyranyń tastandy sábı taǵdyryn qozǵaǵan erkin taqyryptaǵy óleńi áserli, muńdy ıirimderimen erekshelendi.
«Qaı kezde de jaqsylyqqa janasty.
Týǵan elge qamqorlyqpen qarastyń.
Sizdi bári kórsem deıdi, al eshkim
Elemeıdi qara qyzyn Tarastyń.
Jerlesterim – janashyrym.
Dalam – qut.
Baqylaıtyn qadamyńdy dál ańdyp.
Aman bolsyn bizder týǵan sol aýyl!
Eki qyzǵa tileıtin tek amandyq» dep jyrǵa qosqan Jadyra Aqushtap Baqtygereevaǵa syryn jaıyp, «Siz jáne men» degen óleńin arnapty.
Zeınolla Qabdolov aǵamyz «Men Aqjaıyqty úsh qyzy arqyly tanımyn: biri – mahabbatyń sımvoly Qyz Jibek, ekinshisi – batyr qyz Mánshúk, úshinshisi – aqyn Aqushtap» dese, sol ónegeli iz «Barlyq ǵasyr sóz etken aqyn jaıly Aqyn jyryn ár ǵasyr maquldaıdy» demekshi, jyr báıgesine qatysqan jas aqyndardyń únimen úzilmeı jalǵasyp jatqanyn kórdik.
Rıta SULTANǴALIEVA,
M. О́temisov atyndaǵy Batys Qazaqstan memlekettik ýnıversıtetiniń baspasóz hatshysy.
ORAL.