Sot úkimi boıynsha, Almaty qalasy Naýryzbaı aýdanyndaǵy «Qadam» turǵyn úı kesheni súriletin boldy, dep habarlaıdy Egemen.kz ákimdiktiń baspasóz qyzmetine silteme jasap.
Almaty qalasynyń qala qurylysyn baqylaý basqarmasy nysandy tekseristen ótkizdi. Nátıjesinde, sáýlet, qala qurylysy jáne qurylys qyzmeti salasynda birqatar zań buzýshylyqtar anyqtaldy. Máselen, 4 qabatty kóppáterli turǵyn úıdiń qurylysy ruqsat qujatynsyz bastalǵan eken.
Tekserý nátıjesi boıynsha «Qadam TK» JShS-ne qatysty ákimshilik hattama toltyrylyp, keıinnen zańsyz salynyp jatqan nysandy buzý týraly talap aryz jazyldy. Sot zańsyz salynǵan nysandy buzý týraly talapty qanaǵattandyrdy.