Aýyl ákimderi avtokólikti boldy

О́tken jyly tamyz aıynda el Prezı­dentiniń Jarlyǵyna sáıkes aýyldyq okrýgter ákimderiniń saılaýy ótkizilgeni belgili. Saılanǵan ákimderdiń ókilettigi keńeıip, jergilikti qaýymdastyq, ıaǵnı ardagerlerden, iri sharýa qojalyqtarynyń, áleýmettik nysandar basshylarynan, jer­gilikti bedeldi adamdardan turatyn aýyl­dyq keńester quryldy. Endi ákimder so­larmen kelise otyryp, jergilikti jer­de­gi birqatar máselelerdi ózderi sheshe alady. О́tken jyly «Aımaqtardy damytý» baǵdarlamasy boıynsha aýyldarǵa kóshelerdi jaryqtandyrýǵa tájirıbelik qarjy bólinip, aýdandaǵy 12 aýyldyq okrýg ortalyqtarynyń kósheleri jaryq­tandyryldy, kóligi jáne qajetti qondyr­ǵylarmen qamtamasyz etilgen maldá­rigerlik stansalar ashyldy. 2013 jyly úsh aýylǵa kógildir otyn bardy, bıylǵy jyldyń aıaǵyna deıin aýdanda gazben qamtylý deńgeıi 84 paıyzdy quraıtyn bolady, aýyldarǵa sý qubyrlary júrgizilýde. Jyl ótken saıyn kúrdeli jóndeýden ótken aýyl mektepteriniń qatary kóbeıe túsýde. Ústimizdegi jyly bes mektep, úsh aýyldyq klýb jóndeletin bolady, úsh aýyldyq okrýg ákimdigi ǵımaratynyń jobasy jasalýda. Taıaý jyldary Alǵa qalasyn aýyldyq okrýgpen jalǵastyratyn bes jol telimi kúrdeli jóndeýden ótedi dep kútilýde. Munyń ózi aýyldyq okrýgter ákim­deriniń jumysy burynǵydan góri de qyza túsetinin kórsetedi. Jobalaý fırmalarymen, qurylys jáne jóndeý jumystaryn júrgizetin merdigerlik uıymdarmen tyǵyz baılanysta bolyp, qoıan-qoltyq jumys isteý qajettigi týyndaıdy. Osyndaı jumystyń qarbalas­tyǵyn eskerip, aýdandyq máslıhat depýtattarynyń qoldaýymen aýyldyq okrýgter ákimderine «ÝAZ» markaly jeńil avtokólik satyp áperildi. Alǵa aýdanynyń ákimi Asqar Sherııazdanov aýyl ákimderine sý jańa «ÝAZ» avtokóliginiń kiltin tapsyrdy, halyqtyń turmysyn jaqsartý jáne týyndaıtyn ózekti máselelerdi sheshýge baılanysty jumystaryna sáttilik tiledi. Aýyl ákimderiniń ókilettiginiń keńeıýi olardyń jaýapkershiligin arttyryp, kúndelikti jumys kólemin arttyryp otyrǵany da ras. Sondyqtan kólikpen qamtamasyz etý olardyń anaǵurlym jınaqy jumys isteýine múmkindik beredi. Satybaldy SÁÝIRBAI, «Egemen Qazaqstan». Aqtóbe oblysy, Alǵa aýdany.