ASTANA. 5 mamyr. Búgin túnde Qazaqstan quramasy fransýzdyń Rýan qalasynda álem chempıonaty qarsańyndaǵy daıyndyq serııasy retinde Fransııanyń bas komandasymen joldastyq kezdesý ótkizip, atalmysh jamaǵattan qatarynan ekinshi jeńilisine ushyrady. Bul týraly egemen.kz habarlady.
Kezdesý 3:5 esebimen aıaqtaldy. Matchta qazaqstandyq Roman Starchenko esep ashqannan keıin, fransýzdar Vıtalıı Eremeevtiń qaqpasyn tórt ret dál kózdeı bildi. Muny Teddı Da Kosta, Antonı Gıýttıg jáne eki dúrkin Jıýlen Deroze jasady. Oıynnyń úshinshi kezeńinde bizdiń jasaqqa Starchenko men Talǵat Jaılaýovtyń goldary arqyly esepti qysqartýdyń oraıy keldi. Al sońǵy núkteni fransýz Damen Flerı qoıdy.
Eske sala keteıik, bul komandalardyń budan bir kún buryn ótken birinshi joldastyq kezdesýinde fransýzdar 3:1 esebimen basym túsken bolatyn. Qazaqstandyqtar quramynan jalǵyz shaıbany Starchenko saldy. Osy tusta bizdiń komanda 0:2 bolyp utylyp turǵan edi. Qaqpada Alekseı Ivanovtyń turǵanyn da aıta keteıik.
Taǵy da eske sala keteıik, munyń aldynda Qazaqstan quramasy Italııa komandasymen de eki joldastyq kezdesý ótkizgen. Onyń birinshi matchynda bizdiń jerlesterimiz 1:3 bolyp utylsa, ekinshisinde 4:2 esebimen jeńiske jetken edi.
Ústimizdegi jylǵy elıtalyq dıvızıondaǵy álem chempıonaty 9 mamyr kúni Belarýstiń astanasy – Mınsk qalasynda bastalady. Onda Qazaqstan quramasy «V» tobynda Fınlıandmıa, Reseı, AQSh, Shveısarııa, Germanııa, Latvııa jáne Belarýs quramalarymen kúsh synasady.
Damır Qojamqul.
Derekkóz: egemen.kz.
Foto: sports.kz.