ASTANA. 4 mamyr. Memleket basshysynyń О́kimimen Serik Salaýatuly Qojanııazov Qazaqstan Respýblıkasy Prezıdentiniń «Baıqońyr» keshenindegi arnaýly ókili qyzmetine taǵaıyndaldy. Ol bul qyzmetin Qyzylorda oblysy ákiminiń orynbasary bola júrip atqarady. Bul týraly «QazAqparat» habarlady.
Serik Qojanııazov 1965 jyly Qyzylordada týǵan, Kýzbass polıtehnıkalyq ınstıtýtyn ınjener-mehanık jáne L.Gýmılev atyndaǵy Eýrazııa ulttyq ýnıversıtetin ekonomıst mamandyǵy boıynsha támamdaǵan.
Eńbek jolyn 1989 jyly Qyzylorda jóndeý-mehanıkalyq zaýytynda ınjener-tehnolog bolyp bastaǵan. 2001-2004 jyldary Qyzylorda oblysy ákimdigi apparatynda ındýstrıaldy damý bóliminiń meńgerýshisi, 2005-2007 jyldary oblystyq kásipkerlik jáne ónerkásip departamentiniń dırektory, 2007-2008 jyldary Qyzylorda qalasynyń ákimi, 2008-2012 jyldary Úkimet keńsesinde bas maman, uıymdastyrý jumystary jáne aımaqtyq damý bólimi meńgerýshisiniń orynbasary bolyp qyzmet atqardy. 2012 jyldan Úkimet keńsesinde aımaqtyq damý bólimin basqaryp keldi.
Al Memleket basshysynyń О́kimimen Rzaqul Sádenuly Nurtaev Qazaqstan Respýblıkasy Prezıdentiniń «Baıqońyr» keshenindegi arnaýly ókili qyzmetinen bosatyldy.
Joldybaı Bazar.
Derekkóz: «QazAqparat».
Foto: Tour.kz.