Qazaqstandyq tutynýshylarǵa jylý úshin artyq tólengen 490 mıllıon teńge qaıtarylady, dep habarlaıdy Egemen.kz Ulttyq ekonomıka mınıstrligine silteme jasap.
Qazaqstan boıynsha jylý energııasyn esepteý qurylǵylary joq tutynýshylar úshin jylýmen jabdyqtaý qyzmetteriniń qunyn qaıta esepteý jumysy aıaqtaldy. Qarajatty qaıtarý júıesi jańa jylytý maýsymynda (2022-2023 jyldar) avans retinde nemese 2022 jyldyń sońyna deıin derbes shotta kórsetiledi.
«Tabıǵı monopolııa sýbektisi syrtqy aýanyń naqty temperatýrasyn eskere otyryp, jylý energııasymen jabdyqtaý jónindegi qyzmettiń qunyn tikeleı tutynýshylarǵa ne tutynýshynyń ornalasqan jerin anyqtaý múmkin bolmaǵan jaǵdaıda, jylý energııasymen jabdyqtaý jónindegi qyzmetke aqy tóleý kezinde tarıfti tómendetý jolymen qaıta esepteýdi júrgizýge mindetti.
2021-2022 jyldarda jylýmen jabdyqtaý salasynda qyzmet kórsetetin tabıǵı monopolııalar sýbektileri esepteý qurylǵylary joq tutynýshylar úshin QQS-ty eskere otyryp, jalpy somasy 489 mıllıon 950,2 myń teńge jylý energııasy úshin tólemaqyǵa qaıta esepteý júrgizdi», dep jazylǵan habarlamada.
- Almaty qalasy boıynsha – 40 935 520 teńge;
- Nur-Sultan qalasy boıynsha – 1 755 990 teńge;
- Shymkent qalasy boıynsha – 27 698 240 teńge;
- Almaty oblysy boıynsha – 9 284 560 teńge;
- Aqmola oblysy boıynsha – 20 338 930 teńge;
- Atyraý oblysy boıynsha – 8 275 780 teńge;
- Aqtóbe oblysy boıynsha – 20 185 000 teńge;
- Shyǵys Qazaqstan oblysy boıynsha – 186 251 070 teńge;
- Jambyl oblysy boıynsha – 16 585 480 teńge;
- Batys Qazaqstan oblysy boıynsha – 786 580 teńge;
- Qaraǵandy oblysy boıynsha – 81 306 480 teńge;
- Qostanaı oblysy boıynsha – 4 449 030 teńge;
- Qyzylorda oblysy boıynsha – 38 824 760 teńge;
- Pavlodar oblysy boıynsha – 3 138 510 teńge;
- Soltústik Qazaqstan oblysy boıynsha – 26 648 420 teńge;
- Túrkistan oblysy boıynsha – 3 485 900 teńge.
Bul rette Mańǵystaý oblysynyń tutynýshylary úshin qaıta esepteý bolmaıdy, sebebi jylý energııasymen jabdyqtaý boıynsha rettelip kórsetiletin qyzmettiń quny syrtqy aýanyń naqty temperatýrasyn esepke alýǵa sáıkes júrgizilgen.