ASTANA. 5 mamyr. «Báıterek» ulttyq basqarýshy holdıngi (UBH) basqarmasynyń tóraǵasy Qýandyq Bıshimbaev Azııa damý banki (ADB) usynǵan nesıe jelisi aıasynda bıyl 150 mln. dollar tartý josparlanǵan dep málimdedi. Bul týraly Primeminister.kz habarlady.
Qýandyq Bıshimbaev: «Bıyl biz osy nesıe jelisi arqyly qosymsha 150 mln. dollar tartýdy josparlap otyrmyz. Bul aqsha Memleket basshysynyń tapsyrmasyna sáıkes, shaǵyn jáne orta bıznesti qoldaýǵa Ulttyq qordan bólingen resýrstarǵa qosymsha bolady», – dedi.
Onyń aıtýynsha, 2011 jyly «Báıterek» ulttyq basqarýshy holdıngi qurylymyna kiretin «Damý» kásipkerlikti damytý qory elimizdegi shaǵyn jáne orta bıznesti óristetýge baılanysty Azııa damý bankten 500 mln. AQSh dollary kóleminde nesıe alǵan.
Qazaqstan men Azııa damý banki yntymaqtastyǵy berik ornyǵyp keledi. Eki jaqty kelisimderdiń nátıjesinde myńnan astam kásipker qoldaýǵa ıe bolǵan. Sondaı-aq, 2 myńǵa jýyq jańa jumys orny ashylǵan.
Joldybaı Bazar.
Derekkóz: Primeminister.kz.
Foto: headline.kz.