Koronavırýspen kúres boıynsha barlyq máseleni vedomstvoaralyq komıssııa otyrystarynda jedel qaraý kerek. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy Egemen.kz.
«Jalpy koronavırýs ınfeksııasyn juqtyrýdyń kóbeıgenin, ásirese, elorda jáne Qaraǵandy oblysynda óskenin kórip otyrmyz. Kún saıyn respýblıka boıynsha 3 myńǵa deıin jaǵdaı tirkeledi. Bul – joǵary kórsetkish. Sondyqtan Koronavırýstyń taralýyna jol bermeý jónindegi vedomstvoaralyq komıssııa shekteý sharalaryn kúsheıtti, olar óńirlermen jáne «Atameken» palatasymen aldyn ala kelisildi», dedi Á. Smaıylov.
Osy oraıda Úkimet basshysy Densaýlyq saqtaý mınıstrligine epıdemıologııalyq jaǵdaıdy turaqty baqylaýdy tapsyrdy.
«Shekteý sharalarynyń saqtalýyn qamtamasyz etý kerek. Maska taǵý, áleýmettik qashyqtyqty saqtaý sııaqty aldyn alýdyń negizgi sharalary qatań saqtalýy mańyzdy. Vaksınasııalaý men revaksınasııalaýdyń tómen qarqyny epıdemıologııalyq jaǵdaıdyń kúrt nasharlap ketýine alyp keledi. Ákimdikterge halyqty vaksınasııalaý jáne revaksınasııalaý jumystaryn jandandyrýdy tapsyramyn. Barlyq problemalyq máselelerdi Vedomstvoaralyq komıssııa otyrystarynda jedel qarap, tıisti sharalar qabyldaý qajet», dedi Álıhan Smaılov.