О́tken jyly 18,4 mln adam sýmen jabdyqtaý qyzmetterimen qamtamasyz etildi. Bul týraly Indýstrııa jáne ınfraqurylymdyq damý mınıstri Qaıyrbek О́skenbaev Úkimet otyrysynda aıtty, dep habarlaıdy Egemen.kz.
Onyń aıtýynsha, mınıstrlik «Qýatty óńirler – el damýynyń draıveri» ulttyq jobasynyń sheńberinde 4 negizgi mindet boıynsha 14 kórsetkishke, 88 is-sharany iske asyrýǵa jaýapty.
«О́tken jyldyń qorytyndysy boıynsha, sýmen jabdyqtaý qyzmetterimen 18,4 mln adam qamtamasyz etildi. Bul mejelengen sannan artyq. Atyraý jáne Qyzylorda qalalary sýmen 100% qamtamasyz etildi. Qalalarda sarqyndy sýlardy tazartý deńgeıi josparlanǵan 74,9%-dan 75,7%-dy qurady», dedi Q. О́skenbaev Úkimettiń búgingi otyrysynda.
Úıge ortaq jylý jáne sý eseptegish quraldarymen qamtamasyz etý deńgeıi, sondaı-aq turǵyn úıdi paıdalanýǵa berý boıynsha josparly kórsetkishter de tolyq oryndalǵan.
«Respýblıkalyq jáne jergilikti mańyzy bar avtomobıl joldarynyń normatıvti jaı-kúıdegi úlesi tıisinshe 90% jáne 80%-dy qurady. Bul rette Mańǵystaý jáne Jambyl oblystarynda jergilikti mańyzy bar avtomobıl joldarynyń úlesi oń nátıjege jetip, 95%-dy quraıtynyn atap ótý qajet. Alaıda paıdalaný merzimi 25 jyldan asqan jolaýshylar vagondarynyń úlesi josparly 42,7%-dan 40,9%-ǵa deıin, tehnıkalyq flottyń tozýy 68%-ǵa deıin tómendedi», dedi mınıstr.