QR Syrtqy ister mınıstrligi Rım Papasy Fransısktiń 13-15 qyrkúıekke josparlanǵan Qazaqstanǵa memlekettik saparynyń baǵdarlamasyn jarııalady, dep habarlaıdy Egemen.kz.
Sapardyń birinshi kúni Rım Papasynyń Qazaqstan Prezıdenti Qasym-Jomart Toqaevpen, sondaı-aq elimizde tirkelgen sheteldik dıplomatııalyq korpýs jáne azamattyq qoǵam ókilderimen kezdesýleri josparlanǵan.
Rım-katolık shirkeýiniń basshysy saparynyń ekinshi kúninde Álemdik jáne dástúrli dinder lıderleriniń VII seziniń ashylýyna jáne plenarlyq otyrysyna, sondaı-aq keıbir basqa din lıderlerimen birqatar kezdesýge qatysady dep kútilip otyr.
14 qyrkúıekte Rım Papasy Fransısk myńdaǵan katolık dinin ustanýshylar, sonyń ishinde Qazaqstan astanasyna arnaıy keletinderi úshin duǵa (messa) ótkizedi.
Sapardyń sońǵy kúninde ol Álemdik jáne dástúrli dinder lıderleriniń VII seziniń jabylýyna jáne onyń qorytyndy deklarasııasynyń qabyldanýyna qatysýdy, sondaı-aq Rım-katolık shirkeýiniń Qazaqstandaǵy jáne kórshi elderden keletin din qyzmetkerlerimen, monahtarymen jáne semınarısterimen kezdesýdi josparlap otyr.
Eske sala ketsek, Prezıdent Qasym-Jomart Toqaevtyń shaqyrýymen 13-15 qyrkúıekte Rım Papasy Fransısk Qazaqstanǵa memlekettik saparmen keledi.