Qazaqstan halqy Assambleıasy – Qazaqstandy meken etýshi kóp ultty ortaq múdde men bir maqsatqa jumyldyryp, ultaralyq tatýlyq, memleketimizdiń damýy jolynda bilek pen tilek biriktirýge uıystyratyn shańyraq. Áý basta osyndaı ıgi maqsatpen qurylǵan Assambleıa udaıy osy bıikten kórinip keledi.
О́tken jyly 10 myńdaı is-sharanyń uıymdastyrýshysy bolý – eldiń birligine, memlekettiń damýyna qosylǵan úles deýge tolyq quqylymyz. Qazaqstan – san ult ókilderiniń bir otbasy balalaryndaı bir shańyraq astynda tatý-tátti, jarasymdy tura alatyndyǵyn álemge jarııa etip qana qoımaı, ony is júzinde dáleldegen memleket. Dostyqtyń sıpaty kóp, al ómirlik mán-mańyzy bar dostyq – beıbitshilik pen turaqtylyqtyń kepili. Bıylǵy sessııa taqyrybynyń beıbitshilik, kelisim, rýhanııat máselesine arnalýy tegin emes, dostyq bizdiń Otanymyz – Qazaqstannyń tańdaǵan baǵyty, onyń keń-baıtaq dalasyn meken etýshi ulttardyń tilegi jáne Assambleıa jumysynyń altyn arqaýy.
Memleket basshysy N.Nazarbaevtyń ár jylǵy Joldaýlarynan sony jańalyq kútip, aıtylǵan árbir tapsyrmalar men mindetterdi bolashaqqa qalanǵan bir kirpish retinde yqylastana tyńdaıtyn men, Qazaqstan halqy Assambleıasynyń XXI sessııasynan da zor úmit kúttim. Úmit aqtaldy. Qazaqstan halyqtarynyń dostyǵyn nyǵaıta túsý baǵytynda beıbitshilik pen kelisim basty orynǵa qoıylyp, osy izgi uǵymdardan bastaý alatyn úlken jumystar naqtylandy.
Elbasynyń Mańǵystaý oblysynda Dostyq úıin salýǵa tapsyrma berýi biz kópten kútken is bolatyn. О́ńirdegi 20 etno-mádenı birlestik bir ǵımarat tabaldyryǵynan attap, bir shańyraq astynda kezdesip júrsek, san alýan sharalardy birlese uıymdastyrsaq, buǵan deıin qylaý túspegen ózara syılastyq odan ári tereńdeı túsetin bolady. Sondaı-aq, Qazaqstan halqy Assambleıasynyń 20 jyldyq mereıtoıyna oraı keler jyldy «Assambleıa jyly» dep ataý, osy jyly Qazaqstan halqy Forýmyn ótkizý memleketimiz júrgizip otyrǵan ultaralyq dostyqtyń jańa modeliniń irgesin bekemdeı túsetin bolady.
Men atalmysh Assambleıa múshesi ekendigimdi jáne 130-dan astam ult jarasymdy ómir súrgen elde ómir súretindigimdi maqtanysh etemin. Sessııada bizdiń Elbasymyz bizdiń kórikti elimizde tózimdilik, kelisim, ózara syılastyq, shydamdylyq, beıbitshilik pen kelisim saltanat qurǵandyǵyn, onyń odan ári jalǵasa berýi tıis ekendigin aıtty. Táýelsiz Qazaqstandy álemniń damyǵan 30 eliniń qataryna jetkizý úshin árbir adamnyń óz bilimimen, eńbegimen úles qosýy tıis ekendigin jetkizdi. Sondaı-aq, Elbasy Uly Otan soǵysy ardagerlerine, tyń ıgerýshilerine kórsetiletin qurmettiń tolastamaýy tıis ekendigin aıtyp, jastardy «Máńgilik elge» aparatyn «Jasyl el» baǵdarlamasyn júzege asyrýǵa jumyldyrý kerektigin tapsyrdy.
О́mirde árkim armandaıtyn tynyshtyq, baqyt bizde bar, eń basty keregi osy. Máńgilik bolsyn dep tileımin.
Raısa MADENOVA-HVAN,
Qazaqstan koreıleri assosıasııasy respýblıkalyq birlestigi Aqtaý fılıalynyń tóraıymy.
AQTAÝ.