Atyraý oblysy ákiminiń orynbasary Baqytgúl Hamenovaǵa qatysty sot otyrysy 11 tamyzǵa aýystyryldy, dep habarlaıdy Egemen.kz.
Sot otyrysy búgin Atyraý qalasyndaǵy №2 sotta bastalyp, nebári 20 mınýtqa sozyldy. Sot otyrysy 11 tamyzǵa aýystyryldy. Buǵan Baqytgúl Hamenovanyń aıyptaý aktisiniń kóshirmesin almaýy sebep bolǵan.
Buǵan deıin Baqytgúl Hamenovaǵa qatysty qylmystyq is sotqa jetkenin habarlaǵan edik. Oblystyq sottyń baspasóz qyzmetinen málim etkendeı, bıylǵy 26 mamyrda Atyraý qalasynyń №2 sotyna QR Qylmystyq kodeksiniń 366-babynyń 3-bóliginiń 2-tarmaǵymen Atyraý oblysy ákiminiń orynbasary Baqytgúl Hamenovaǵa, Atyraý oblysy Mádenıet, tilderdi damytý jáne arhıv isi basqarmasynyń basshysy Aqylbek Rysqalıevke, QR Qylmystyq kodesiniń 367-babynyń 2-bóligimen «B» JShS-niń dırektoryna qatysty qylmystyq is túsken.
Aıta keteıik, Baqytgúl Hamenova byltyr jeltoqsanda ustalyp, qamaýǵa alyndy.