Parlament

Saılaýshylarmen kezdesýler jalǵasýda

Parlament Májilisi Tóraǵa­synyń orynbasary Sergeı Dıa­chenko Aqmola oblysynyń Jaqsy aýdanynda saılaýshylarmen kezdesýler ótkizýde, dep habarlady osy palatanyń baspasóz qyzmeti. Vıse-spıker jumys kestesin aldymen Belaǵash aýylyndaǵy joǵary surypty tuqym óndiretin «Belaǵash» JShS-inen bastady. Bul – mádenı tuqym óndirý men taratýdy júzege asyryp, et-sút ónimderin damytyp otyr­ǵan sharýashylyq. Munda áleý­mettik sala jobalaryna da kóńil bólinip otyrady. Onyń dáleli «Belaǵash» JShS-inde mádenıet úıi, sport kesheni, monsha, naýbaıhana jumys istep tur. Sondaı-aq, óndiriste ózderiniń mamandaryn oqytý, bilimin kóterý jáne olarǵa materıaldyq járdem ja­saý, balalaryn jazǵy kanıkýl kezinde densaýlyqtaryn jaqsar­tatyn jerge barý úshin joldamamen qamtamasyz etý, taǵy da basqa qaıyrymdylyq sharalary kór­setiledi. Ústimizdegi jyly sha­rýashylyq Belaǵash mektebin tegin tamaqtandyrý týraly memo­randýmǵa qol qoıǵan. Atalǵan ıgi istermen tanysqan S.Dıachenko seriktestiktegi bala­baqsha men demalys ornynda boldy. Tóraǵanyń orynbasary Jaqsy aýylyndaǵy «Ýrojaı» JShS-inde Indýstrııalandyrý kartasynyń sheńberinde salynǵan táýligine 250 tonna un tartatyn dıirmenge de bardy. Sol jerde saǵatyna 10 tonna jem shyǵaratyn jańa quramajem zaýytyn da kórdi. Sapar sheńberinde parlamentshi aýdandyq aýrýhananyń áıelder bosanatyn bólimshesinde bolyp, dárigerlermen kezdesti. Aq je­leńdiler depýtatqa bólim jumysy, ana men balaǵa jasalatyn jaǵdaılar jaıynda aıtyp berdi. S.Dıachenko Memleket basshysynyń medısı­na­ny jetildirýge aıryqsha nazar aýdaryp otyrǵanyn málim­dep, ult densaýlyǵy bizdiń bola­sha­ǵy­myzdyń negizi ekendigine toqtaldy. Vıse-spıker «Nur  Otan» par­tııasynyń aýdandyq fılıalynda bolyp azamattarǵa qabyldaý júr­gizdi. Sonymen qatar, aýdandyq más­lıhat depýtattarymen kezdesip, aımaqtaǵy saıasatty iske asyrýdyń ózekti máselelerin talqylady. Al aýdan halqymen ótkizgen júz­de­sýlerde saılaýshylardy Elba­sy­nyń «Qazaqstan joly – 2050: bir maqsat, bir múdde, bir bolashaq» atty ha­lyq­qa Joldaýynyń zańnamalyq tur­ǵydan qalaı júzege asyrylyp jatqandyǵynan habardar etti. *** Parlament Senatynyń depýtattary arnaıy saparmen Qazaqstan Respýblıkasy Ulttyq ulany «Ońtústik» óńirlik qolbasshylyǵyna qarasty №5571 áskerı bólimi men «Búrkit» arnaıy maqsattaǵy bóliminiń jaýyngerlik jáne ádistemelik daıyndyq ortalyqtaryn aralap kórdi. Quramynda Parlament Sena­tynyń Halyqaralyq qaty­nas­tar, qorǵanys jáne qaýipsizdik komıtetiniń músheleri Muhtar Altynbaev, Birǵanym Áıtimova, Georgıı Kım, Orynbaı Rahman­ber­dıev, Sergeı Gromov, Baqtııar О́nerbaev bar top sapar barysynda 5571 áskerı bóliminiń je­ke quramymen, jyldam áreket ete­tin jedel jasaqtardyń áskerı ázirligimen, jaýyngerlerdiń qarý-jaraǵy jáne áskerı tehnıkasymen tanysyp, qaýipsizdik sharasyna daıyndyǵyn, sarbazdardyń áskerı is-qımyly, daıyndyǵy, sondaı-aq, ishki áskerdiń áleýetimen tanys boldy. Áskerı nysandardy aralaǵan halyq qalaýlylaryn Par­lamenttegi Halyqaralyq qaty­nastar, qorǵanys jáne qaýipsizdik ko­mıtetiniń tóraǵasy Ikram Adyr­bekov bastap júrdi. Qonaqtar azamattyq boryshyn ótep júrgen sarbazdar men keli­simshart boıynsha áskerı sanatta merzimdi qyzmetin atqaryp júr­gen jaýyngerlerdiń qandaı teh­nıkamen jumys isteıtindigin, ony qalaı meńgergendigin óz kóz­derimen kórip, olardyń kúndelikti tynys-tirshiligimen etene tanys­ty. Almaty oblysyna qarasty Za­rechnyı kentiniń aýmaǵynda «Búr­kit» arnaıy maqsattaǵy bóli­mi men ishki ister organdary qyzmetkerleriniń daıyndyǵyn qalypty jaǵdaıda ustap turý úshin turǵyzylyp jatqan jańa áskerı oqý ortalyǵynda bolǵan depýtattar atalmysh qurylystyń jumysymen tanysyp, bolashaqta bul nysanda ornalasatyn áskerı bazalyq keshenniń jaı-japsaryna qanyqty. Budan ózge, bul kúni Májilis depýtattary Máýlen Áshimbaev pen Qýanysh Sultanov ta Almaty qalasynda arnaıy saparmen bolyp, Qazaqstan Qarýly Kúshteriniń turaqty jáne aınymaly qurlyq áskerlerin daıyndaıtyn oqý ornynda bolyp, birqatar áskerı nysandarmen tanysty, áskerı jas mamandarǵa Memleket basshysy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýynda pysyqtalǵan qaýipsizdik sharalary men el turaqtylyǵyn qamtıtyn máselelerdi túsindirip berdi. Qanat ESKENDIR, «Egemen Qazaqstan». ALMATY. *** Májilis depýtattary, «Nur Otan» partııasy fraksııasy­nyń músheleri Shavhat О́temisov pen Vıktor Kııanskıı Oral óńirinde saılaýshylarmen kezdesýler ótkizýde, dep habarlady osy palatanyń baspasóz qyzmeti. Keshegi kezdesýler el táýel­sizdiginiń alǵashqy jyldary negizi qalanǵan «Vasıles» jeke sharýa seriktestiginde boldy. О́ndiristiń negizgi baǵyty – jıhaz shyǵarý. Anglııa, Ýkraına, Reseı, Belarýs jáne Qytaı elderinen keńselik jıhazdar ákelinip, satylymǵa qoıylady. Jeke jobalary boıynsha ózderi de jıhaz jasaıdy. Italııa, Polsha elderinen jetkizilgen quramalyq materıaldardan jasalǵan as úı, qonaq úılik jıhazdar kóp kóńilinen shyǵady. Búginde olar plastık qura­maly esik, tereze, vıtrajdar men medısınalyq kópqyzmetti jı­hazdar da jasaýda. «Vasıles» JShS Qazaqstan rynogyn jańa tehnologııalyq jetistiktermen jasalǵan ónim­dermen jaýlap alýda. Olardyń ónimderi joǵary ekologııalyq tazalyǵymen jáne tózimdi qyzmet kórsetýimen baǵaly. Kezdesý barysynda depýtattar óndiris jumysshylaryna Qazaqstan Respýblıkasynyń Prezıdenti – Elbasy N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýynyń mazmuny men máni jóninde túsindirdi.   Sondaı-aq, Qazaqstannyń damý strategııasy negizinen jastarǵa arnalǵandyqtan, ony júzege asyryp, jemisin kóretin de jastar ekenin tilge tıek etti. Kezdesýler sońynda jumysshylar qoıǵan suraqtarǵa jaýaptar berildi. *** Parlament Májilisi Áleýmettik-mádenı damý komıtetiniń hatshysy, Májilistegi fraksııa tóralqasynyń múshesi Maıra Aısına Azııa damý bankiniń jyl saıynǵy otyrysynyń  sheńberinde saparlyq semınarǵa qatysty. Aqmola oblysy, Arshaly aýdany, Vıacheslav aýylynda ótken bıylǵy jylǵy semınardyń taqyryby: «Jibek joly: Azııany aýyspaly álemmen biriktirý» dep ataldy. Semınar barysynda qonaqtar Vıacheslav orta mektebinde ja­sal­ǵan modýldik jylyjaıda júzege asyrylǵan «Jasyl» jobalarmen, tamshy arqyly sýlandyrýmen, jaryqdıodty jaryq berýmen jáne pırolızdyq peshtermen tanysty. Basqosýǵa sheteldik ýákilder, bıznestik qurylymdar, memle­kettik emes uıymdar, stýdentter, mektep oqýshylary  qatysty.