Fýtboldan Qazaqstan ulttyq quramasynyń bas bapkeri Magomed Adıev BAQ ókilderinen eń jıi joldanatyn suraqtarǵa qatysty pikir bildirdi, dep habarlaıdy Egemen.kz.
«Búginde Qazaqstan quramasynyń jumysyna ǵana zeıin aýdaramyn. Qazaqstan fýtbol federasııasymen kelisimshartym bar. Alda mańyzdy eki oıyn kútip tur. Sol sebepti kelisim aıaqtalmaı qyzmetimnen ketpeımin. Eshqandaı kúmán keltirýdiń qajeti joq.
Jaqynda ǵana Qazaqstan Kýbogynyń «Aqtóbe» – «Taraz» oıynyna bardym. Taldaý jumystary júrgizildi. Bizdiń bapkerlik shtab Belarýs jáne Ázerbaıjan oıyndaryna tolyq daıyndyq júrgizip jatyr.
Keıbir BAQ-ta taraǵan aqparattarǵa toqtala ketsek, ár bapkerdiń ómirinde ondaı áńgimeler bolyp turady. Men qazirgi tańda Qazaqstandamyn. Kúzde ótetin Ulttar Lıgasynyń oıyndaryna birqatar úmitkerdi qarap jatyrmyn», dedi ulttyq quramanyń bas bapkeri.