2013 jylǵy 29 naýryz, Astana qalasy
«Advokattardyń taǵylymdamadan ótýshileriniń taǵylymdamadan ótý tártibi týraly erejeni bekitý týraly» Qazaqstan Respýblıkasy Ádilet mınıstriniń 2012 jylǵy 8 aqpandaǵy № 54 buıryǵyna ózgeris engizý týraly
«Advokattyq qyzmet týraly» Qazaqstan Respýblıkasy Zańynyń 8-babynyń 7-tarmaǵyna sáıkes buıyramyn:
1. «Advokattardyń taǵylymdamadan ótýshileriniń taǵylymdamadan ótý tártibi týraly erejeni bekitý týraly» Qazaqstan Respýblıkasy Ádilet mınıstriniń 2012 jylǵy 8 aqpandaǵy № 54 (Normatıvtik quqyqtyq aktilerdi memlekettik tirkeý tiziliminde № 7430 bolyp tirkelgen, 2012 jylǵy 26 mamyrdaǵy № 154-156 (26973-26975) «Egemen Qazaqstan» gazetinde jarııalanǵan) buıryǵyna mynadaı ózgeris engizilsin:
Advokattardyń taǵylymdamadan ótýshileriniń taǵylymdamadan ótý tártibi týraly ereje osy buıryqtyń qosymshasyna sáıkes jańa redaksııada jazylsyn.
2. Osy buıryqtyń oryndalýyn baqylaý Qazaqstan Respýblıkasy Ádilet mınıstrligi Tirkeý qyzmeti jáne quqyqtyq kómek kórsetý komıtetiniń tóraǵasy B.Sh. Ábishevke júktelsin.
3. Osy buıryq onyń resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr B. IMAShEV.
Qazaqstan Respýblıkasy Ádilet mınıstriniń 2013 jylǵy 29 naýryzdaǵy № 96 buıryǵyna qosymsha
Qazaqstan Respýblıkasy Ádilet mınıstriniń 2012 jylǵy 8 aqpandaǵy № 54 buıryǵymen bekitilgen
Advokattardyń taǵylymdamadan ótýshileriniń taǵylymdamadan ótý tártibi týraly ereje
1. Jalpy erejeler
1. Advokattardyń taǵylymdamadan ótýshileriniń taǵylymdamadan ótý tártibi týraly ereje (budan ári - Ereje) advokattyń taǵylymdamadan ótýshilerine (budan ári – taǵylymdamadan ótýshiler) qabyldaý sharttaryn, taǵylymdamadan ótýshilerdiń taǵylymdamadan ótý tártibin belgileıdi.
2. Qazaqstan Respýblıkasynyń joǵary zań bilimi bar azamaty taǵylymdamadan ótýshi bolyp tabylady.
Advokattyq qyzmettiń kásibı bilimderi men praktıkalyq daǵdylaryn ıgerý taǵylymdamadan ótýdiń maqsaty bolyp tabylady.
«Qazaqstan Respýblıkasynyń sot júıesi jáne sýdıalardyń mártebesi týraly» Qazaqstan Respýblıkasy Konstıtýsııalyq Zańynyń 34-baby 1-tarmaǵynyń 1), 2), 3), 9), 10) jáne 12) tarmaqshalarynda kózdelgen negizder boıynsha sýdıanyń ókilettikterin toqtatqan adamdar taǵylymdamadan ótpeıdi.
2. Taǵylymdamadan ótýge jiberý, taǵylymdamadan ótý týraly shart jasasý tártibi
3. Advokattyq qyzmetpen aınalysý quqyǵyna arnalǵan lısenzııany alý úshin taǵylymdamadan ótýge nıet bildirgen adam taǵylymdamadan ótýge jiberý týraly erkin nysandaǵy ótinishpen advokattar alqasynyń tóralqasyna júginedi.
Taǵylymdamadan ótýge jiberý týraly ótinishke myna qujattar qosa
beriledi:
1) Qazaqstan Respýblıkasy azamatynyń jeke basyn kýálandyratyn qujattyń kóshirmesi;
2) joǵary zań bilimi týraly dıplomnyń kóshirmesi (salystyrý úshin dıplomnyń túpnusqasy berilmegen jaǵdaıda, notarıaldy kýálandyrylǵan kóshirmesi);
3) óz qolymen toltyrylǵan ómirbaıan;
4) eńbek kitapshasy nemese zań mamandyǵy boıynsha jumys ótilin rastaıtyn ózge de qujat;
5) taǵylymdamadan ótýge nıet bildirgen adamnyń turǵylyqty jeri boıynsha narkologııalyq jáne psıhıatrııalyq deıspanserler bergen densaýlyǵynyń jaǵdaıy týraly medısınalyq anyqtamalar;
6) sottylyǵynyń joqtyǵy ne bolýy týraly anyqtama;
7) mólsheri 3h4 sm eki fotosýret.
4. Taǵylymdamadan ótýge jiberý týraly ótinish onyń kelip túsken kúninen aspaıtyn otyz kúntizbelik kún merziminde taǵylymdamadan ótýge nıet bildirgen adamnyń qatysýymen advokattar alqasy tóralqasynyń otyrysynda qaralady.
Taǵylymdamadan ótýge jiberý týraly ótinishti qaraý nátıjeleri
boıynsha advokattar alqasynyń tóralqasy myna dáleldi sheshimderdiń birin qabyldaıdy:
1) taǵylymdamadan ótýge jiberý týraly;
2) taǵylymdamadan ótýge jiberýden bas tartý týraly.
5. Advokattar alqasy tóralqasynyń tóraǵasy men taǵylymdamadan ótýshi taǵylymdamadan ótýge jiberý týraly sheshim qabyldaǵan kúni taǵylymdamadan ótý týraly shart jasasady.
Taǵylymdamadan ótý týraly shartta kórsetiledi:
1) shart jasasý kúni men orny;
2) taraptardyń ataýy;
3) taǵylymdamadan ótý orny;
4) taǵylymdamadan ótýshiniń, taǵylymdama jetekshisiniń, advokattar alqasy tóralqasynyń jáne advokattar alqasy tóralqasy tóraǵasynyń quqyqtary, mindetteri men jaýapkershiligi;
5) jumys ýaqytynyń rejımi;
6) advokattar alqasynyń tóralqasyna taǵylymdamadan ótý barysy týraly esep berý merzimderi;
7) taǵylymdamadan ótýdiń uıymdastyrylýy úshin aqynyń mólsheri men tóleý merzimi;
8) osy erejege jáne qoldanystaǵy zańnamaǵa qaıshy kelmeıtin basqa da jaǵdaılar.
Shart advokattar alqasy tóralqasy tóraǵasynyń, taǵylymdamadan ótýshiniń, taǵylymdama jetekshisiniń qol qoıýymen jáne advokattar alqasynyń mórimen bekitiledi.
3. Taǵylymdamadan ótý tártibi men sharttary
6. Taǵylymdama aqyly negizde, kúndizgi nysanda, taǵylymdamadan ótýge kandıdat turǵylyqty jeri boıynsha tirkelgen zań konsýltasııasynda nemese
advokat keńsesinde júzege asyrylady.
Taǵylymdama keminde bes jyl advokattyq qyzmet ótili bar advokattyń basshylyǵymen júzege asyrylady. Taǵylymdamadan bir ýaqytta bir advokatta eki adamnan aspaıtyn taǵylymdamadan ótýshi óte alady.
7. Taǵylymdamanyń uzaqtyǵy alty aıdan bir jylǵa deıin quraıdy. Advokattar alqasynyń tóralqasy taǵylymdama jetekshisiniń qoldaýhatyn, taǵylymdamadan ótýshi daıyndaǵan is júrgizý jáne ózge de qujattardy qaraý jáne taǵylymdamadan ótýshimen áńgimelesý nátıjeleri boıynsha taǵylymdama bastalǵan kúnnen bastap alty aı ótken soń taǵylymdamadan ótý merzimin qysqartady.
Aldyńǵy jumys tájirıbesi jáne zań mamandyǵy boıynsha bes jyldan kem bolmaıtyn jumys ótili taǵylymdamadan ótý merzimin qysqartý týraly qoldaýhat berýge negiz bolyp tabylady.
Zań mamandyǵy boıynsha jumys ótili bolmaǵan jaǵdaıda, taǵylymdamanyń merzimi bir jyldan kem bolmaýy tıis.
8. Taǵylymdamadan ótýshi retindegi jumys kezeńi zań mamandyǵy boıynsha jumys ótiline esepteledi.
Taǵylymdamadan ótýge jiberilgen adam advokattar alqasynyń kadrlyq quramyna taǵylymdamadan ótýshi retinde qabyldanady. Taǵylymdamadan ótýshi men taǵylymdamanyń jetekshisi týraly derekter Advokatýranyń biryńǵaı aqparattyq júıesine engiziledi.
9. Taǵylymdamadan ótý osy Erejege qosa berilgen jáne ony advokattar alqasy tóralqasynyń tóraǵasy bekitken 1-qosymshaǵa sáıkes Taǵylymdamadan ótýdiń úlgi baǵdarlamasynyń negizinde ázirlengen jeke baǵdarlama boıynsha júzege asyrylady.
Taǵylymdama aıaqtalǵannan keıin taǵylymdamadan ótýshi:
1) taǵylymdamadan ótý orny, onyń merzimderi men odan ótý rettiligi týraly málimetter;
2) taǵylymdama jospary boıynsha oryndalǵan jumystardyń sıpaty;
3) tájirıbelik derbes jumystyń ıgerilgen daǵdylary;
4) taǵylymdamany uıymdastyrýdy jáne ótkizýdi jetildirý boıynsha eskertýler men usynystar qamtylatyn qorytyndy esepti jasaıdy.
Taǵylymdamanyń qorytyndysy boıynsha taǵylymdama jetekshisi osy Erejege 2-qosymshaǵa sáıkes nysan boıynsha jazbasha qorytyndy jasaıdy.
Qorytyndyǵa taǵylymdamadan ótýshiniń qorytyndy esebi, taǵylymdamadan ótýshi jasaǵan jáne oǵan taǵylymdamadan ótýshi men taǵylymdama jetekshisi qol qoıǵan is júrgizý jáne ózge de jazbasha qujattardyń jobalary qosa beriledi.
Taǵylymdamanyń qorytyndysy týraly materıaldardy taǵylymdamadan ótýshi taǵylymdamadan ótken zań konsýltasııasynyń nemese advokat keńsesiniń basshysy advokattar alqasynyń tóralqasyna taǵylymdama aıaqtalǵan kúnnen bastap on jumys kúninen keshiktirmeı engizedi.
10. Taǵylymdama materıaldaryn qaraý nátıjeleri boıynsha advokattar alqasynyń tóralqasy taǵylymdamadan ótý týraly qorytyndyny bekitý týraly ne taǵylymdamadan ótý týraly qorytyndyny bekitýden bas tartý týraly sheshimdi qabyldaıdy.
Taǵylymdamadan ótý týraly qorytyndyny bekitýden bas tartý týraly sheshim dáleldi bolýy tıis. Taǵylymdamadan ótý týraly qorytyndyny bekitýden bas tartý týraly advokattar alqasy tóralqasynyń sheshimimen kelispegen jaǵdaıda sot tártibimen shaǵym jasalady.
Taǵylymdamadan ótpegen adam taǵylymdamaǵa jalpy negizderde qaıta jiberiledi.
11. Taǵylymdamanyń ár aıy úshin aqy tóleý mólsheri esep aıyrysý júrgiziletin kúnge belgilengen aılyq eseptik kórsetkishtiń on eselengen mólsherinen aspaıtyn mólsherde belgilenedi.
Tólem faktisi advokattar alqasynyń býhgalterııasy beretin kiris-kassalyq ordermen ne banktik tólem qujatymen rastalady.
12. Taǵylymdamadan ótý kezeńinde taǵylymdamadan ótýshi taǵylymdama jetekshisiniń basshylyǵymen advokattar alqasyn uıymdastyrý qaǵıdalarymen jáne qyzmetimen tanysady, zańdy kómek alýǵa júgingen tulǵalardy advokattyń qabyldaýyn uıymdastyrý, quqyqtyq sıpattaǵy jazbasha qujattardy jasaý, qylmystyq jáne azamattyq sot isin júrgizýdiń jáne ákimshilik quqyq buzýshylyq týraly is júrgizýdiń ártúrli kezeńderinde naqty isti júrgizý tártibin, qylmystyq qýdalaýdan ne ákimshilik quqyq buzýshylyqtan jábirlengen adamdardyń múddelerin bildirýdi júzege asyrý erekshelikterin zerdeleıdi.
Taǵylymdamadan ótýshi is júrgizý qujattarynyń jobalaryn derbes jasaıdy jáne olardy taǵylymdamanyń jetekshisine tekserýge usynady.
Taǵylymdamadan ótýshi advokattar azamattar men zańdy tulǵalardyń ókilderine zań konsýltasııalaryn bergen kezde, taǵylymdama jetekshisiniń tapsyrmasy boıynsha jáne tergeýshiniń nemese anyqtaýshynyń, jáne/nemese prokýrordyń ruqsatymen tergeý jáne is júrgizý áreketteri ótkizilgen kezde, sondaı-aq olardyń materıaldarynda memlekettik qupııany quraıtyn málimetter qamtylǵan isterdi qospaǵanda, olar boıynsha qorǵaýshy jáne/nemese ókili retinde taǵylymdama jetekshisi nemese basqa da advokattar sóz sóıleıtin ister boıynsha sot otyrystarynda qorǵaýshynyń nemese ókildiń ustanymyn ázirleıdi.
13. Taǵylymdamadan ótýshi taǵylymdamadan ótken kezde:
1) Qazaqstan Respýblıkasy tanyǵan halyqaralyq quqyqtyq aktilerdi qosa alǵanda advokattyq qyzmet jáne adam quqyqtaryn qorǵaý salasyndaǵy normatıvtik quqyqtyq aktilerdi zerdeleıdi;
2) zań konsýltasııasynda, advokat keńsesinde taǵylymdamadan ótýshiler úshin uıymdastyrylatyn sabaqtarǵa turaqty túrde qatysady;
3) advokattar alqasynyń tóralqasy taǵylymdamany uıymdastyrý sheńberinde ótkizetin is-sharalarǵa qatysady;
4) osy Erejege 3-qosymshaǵa sáıkes nysan boıynsha taǵylymdama kúndeligin júrgizedi;
5) advokattar alqasynyń tóralqasyna taǵylymdamadan ótý týraly shartta belgilengen merzimderde taǵylymdamanyń barysy týraly esep beredi;
6) taǵylymdama merziminiń aıaqtalýy boıynsha qorytyndy esepti daıyndaıdy.
Esepke taǵylymdamadan ótýshi men taǵylymdama jetekshisi qol qoıǵan, taǵylymdamadan ótýshi taǵylymdama ýaqytynda jasaǵan is júrgizý jáne ózge de jazbasha qujattardyń jobalary qosa beriledi.
14. Advokattar alqasy tóralqasynyń tóraǵasy taǵylymdamaǵa jalpy basshylyqty júzege asyrady, qoldanystaǵy zańnama boıynsha semınarlardy uıymdastyrady, taǵylymdama josparynyń oryndalýyn baqylaýdy júzege asyrady, taǵylymdamadan ótýshilerdiń advokat kásibiniń daǵdylaryn tabysty ıgerýi úshin qajetti jaǵdaılardy qamtamasyz etedi, kelip túsken taǵylymdama materıaldaryn tóralqa otyrysynda qaraýdy uıymdastyrady.
15. Taǵylymdamadan ótýshiler týraly aqparatty jedel alý maqsatynda, advokattar alqasy tóralqasynyń tóraǵasy taǵylymdamadan ótýshiler týraly derekterdi Advokatýranyń biryńǵaı aqparattyq júıesine engizý úshin jaýapty tulǵany taǵaıyndaıdy jáne olardyń ýaqtyly toltyrylýyn baqylaıdy.
4. Taǵylymdamadan ótý týraly shartty toqtatý jáne buzý tártibi
16. Taǵylymdamadan ótý merzimi aıaqtalǵannan keıin taǵylymdamadan ótý týraly sharttyń áreket etýi toqtatylady.
17. Taǵylymdamadan ótý týraly shart myna jaǵdaılardyń biri oryn alǵan kezde buzylady:
1) taǵylymdamadan ótýshi óz nıeti boıynsha taǵylymdamadan ótý týraly shartty buzý jóninde ótinish bergende;
2) taǵylymdamadan ótýshiniń taǵylymdamadan odan ári ótýimen ushtaspaıtyn Qazaqstan Respýblıkasy zańnamasynyń normalaryn, Advokattar alqasynyń jarlyǵyn, advokattardyń kásibı etıkasyn buzǵanda;
3) taǵylymdamadan ótýshini osy Erejeniń jáne taǵylymdamadan ótý týraly sharttyń talaptaryn saqtamaǵanda;
4) taǵylymdamadan ótýshiniń eki aı qatarynan taǵylymdamadan ótkeni úshin jarnalaryn tólemegende;
5) taǵylymdamadan ótýshini qylmystyq jaýapkershilikke tartylǵanda ne odan aqtalmaıtyn negizder boıynsha bosatylǵanda.
18. Taǵylymdamadan ótý týraly shart osy Erejeniń 18-tarmaǵynyń 2) – 5) tarmaqshalarynda kózdelgen negizder boıynsha buzylǵan jaǵdaıda, tulǵa taǵylymdamadan ótýge shart buzylǵan kúnnen bastap bir jyldan keıin jiberiledi.
5. Qorytyndy erejeler
19. Osy Erejemen reglamenttelmegen máseleler advokattyq qyzmetti reglamentteıtin Qazaqstan Respýblıkasynyń zańnamasynda jáne Advokattar alqasynyń jarǵysynda kózdelgen tártipte sheshiledi.
Advokattardyń taǵylymdamadan ótýshileriniń taǵylymdamadan ótý
tártibi týraly erejege 1-qosymsha
Advokattardyń taǵylymdamadan ótýshileriniń taǵylymdamadan ótýiniń úlgi baǵdarlamasy
I. Teorııalyq bólim
1.Advokattardyń taǵylymdamadan ótýshileriniń taǵylymdamadan ótýi kezeńinde zerdeleýge jatatyn zańnamalyq aktiler boıynsha máselelerdiń úlgi tizbesi:
1) Advokatýrany uıymdastyrý men qyzmetiniń quqyqtyq negizderi.
advokatýranyń maqsaty, advokatýra men advokattyq qyzmettiń uǵymy, maqsattary, mindetteri jáne áleýmettik qundylyǵy;
advokatýra ınstıtýtynyń qalyptasýy jáne damý tarıhy, shet elderdegi advokatýra;
advokattyq qyzmet belgileri, advokatýra týraly zańnama;
advokattyq qyzmetti uıymdastyrý qaǵıdalary;
advokattar alqasy, onyń organdary, advokattar alqasy organdarynyń ókilettikteri, advokattar alqasynyń jarǵysy;
advokattyq qyzmetti uıymdastyrý nysandary;
advokattyń quqyqtyq mártebesi, advokat kásibine ruqsat berý tártibi;
advokattyq qyzmetpen aınalysýǵa lısenzııa berý, lısenzııa berýden bas
tartý, advokattyq qyzmetpen aınalysýǵa lısenzııadan aıyrý, advokattyq qyzmetpen aınalysýǵa lısenzııa áreketin toqtata turý jáne toqtatý;
advokattar alqasy múshesiniń quqyqtary men mindetteri;
advokattyń is júrgizý quqyqtary men mindetteri, zańdy tyıym salýlar, advokattyq qyzmettiń kepildikteri, advokattyń jaýapkershiligi;
advokattyń eńbek aqysy, advokattyq qyzmetke salyq salý;
advokattyń qylmystyq jáne azamattyq ister, ákimshilik quqyq buzýshylyqtar týraly ister jóninde maqsatty zań kómegin kórsetý boıynsha qyzmeti, advokattar aqysyz kórsetetin zańgerlik kómek, advokattar kórsetetin zań kómegine aqy tóleý jáne olardyń qorǵaýmen, ókildik etýmen baılanysty shyǵystaryn respýblıkalyq bıýdjet esebinen óteý;
advokattar men advokattardyń taǵylymdamadan ótýshileriniń tártiptik jaýapkershiligi.
2) advokattyń kásiptik ádebi:
ádeptiń advokat qyzmetindegi máni men mazmuny, advokattardyń kásiptik ádebi kodeksi;
advokat qupııasy, advokattyń ártúrli qyzmet salasyndaǵy minez-qulyq ádebiniń erejeleri: advokat-áriptes, advokat–qorǵalatyn adam, advokat–senim bildirýshi júıesindegi advokattyń minez-qulyq ádebiniń erejeleri, advokattyń quqyq qorǵaý organdarymen jáne sotpen ózara qarym-qatynas jasaýdaǵy minez-qulyq ádebi, advokattyń konsýltasııa berý, tapsyrmany qabyldaý (shart jasaý), múddeler tartysyndaǵy minez-qulyq ádebi;
zań kómegin kórsetý jáne advokattyń eńbek aqysyn tóleý týraly shart jasasqan kezde advokat ádebiniń erejelerin saqtaý;
advokat jáne buqaralyq aqparat quraldary, zań kómegin kórsetý týraly aqparatty taratýdyń ádeptik negizderi;
advokattyń qoǵamdyq mańyzdy mindetteri, advokattyń jeke basynyń kásibı mańyzdy qasıetteri;
3) advokat qyzmetiniń standarttary:
advokat qyzmetin uıymdastyrý negizderi, advokattyń is-júrgizý is-áreketiniń standarttary;
advokattyń sheshendik óneriniń negizderi, qorǵaý sózin qurýdyń logıkalyq, psıhologııalyq, ádeptik negizderi, qorǵaý sóziniń kommýnıkatıvtik qasıetteri;
advokattyń qyzmetin josparlaý;
advokattyq is júrgizý, ony qalyptastyrý tártibi;
qujattardy daıyndaý kezeńderi, advokattyń qujattardy jasaýynyń zań tehnıkasy, onyń mańyzy jáne elementteri (erejeleri, quraldary, tásilderi;
advokattyń ókilettikterin kýálandyrý;
4) advokattyń konsýltatıvtik jumysy:
advokattyń konsýltatıvtik jumysynyń uǵymy, onyń maqsattary men mindetteri, konsýltasııa berýdi uıymdastyrý jáne ótkizý tártibi;
suhbat júrgizý jáne onyń kezeńderi, suhbat júrgizýdiń psıhologııalyq aspektileri, áńgimeni qurýdyń tásilderi;
konsýltatıvtik qyzmet túrleri: konsýltasııalar, quqyqtyq máseleler boıynsha anyqtamalardy daıyndaý jáne berý tártibi;
konsýltasııa kezeńderi: konsýltasııanyń jalpy josparyn daıyndaý, jaǵdaıdy quqyqtyq baǵalaý, istiń perspektıvasyn ashý, júgingen adamnyń minez-qulyq nusqalaryna jáne jaǵdaıdyń damýynyń yqtımal nusqalaryna qatysty usynymdar berý jáne basqa da máseleler;
5) advokat qylmystyq is júrgizýde:
qylmystyq is júrgizý kezeńderi, advokattyń qylmystyq ister boıynsha qorǵaýshy retinde qatysýy, quqyqtary men mindetteri, quqyqtyq jaǵdaıy, qylmystyq is júrgizýde qorǵaýshy retinde zań kómegin kórsetýdiń tásilderi men ádisteri;
advokatty shaqyrý, taǵaıyndaý jáne aýystyrý, advokattyń qylmystyq is júrgizýde mindetti qatysýy;
qorǵaýdyń negizgi quraldary, tásilderi men ádisteri;
qorǵaýshydan bas tartý, bas tartýdy qabyldaý sharttary;
qorǵalýshymen áńgimelesý;
advokattyń sotqa deıingi is júrgizýdegi qyzmeti: advokattyń qylmystyq is júrgizýge kirisý sáti, qorǵaýshynyń ókilettikteri, olardy resimdeý tártibi, advokattyń tergeý jáne is júrgizý is-áreketteri júrgizilgen kezde qorǵaýshy retinde qatysýy;
advokattyń kúdiktini ustaýǵa jáne tergeý men anyqtaýdyń keıingi kezeńderine, jeńildetilgen sotqa deıingi is júrgizýge qatysýy;
qupııalylyqty saqtaý;
ótinish berý tártibi, qylmystyq qýdalaý organynyń is-áreketteri men sheshimderine shaǵym jasaý, qorǵaýshynyń quqyq qorǵaý organdarynyń ókilderimen ózara qarym-qatynastary;
tergeý nysandary: jeńildetilgen sotqa deıingi is júrgizý, anyqtaý, aldyn ala tergeý;
advokattyń birinshi ınstansııadaǵy sotqa qatysýy, advokattyń quqyqtary, mindetteri men ókilettikteri, istiń materıaldarymen tanysý tártibi jáne qadaǵalaý is júrgizýdi qalyptastyrý, sot otyrysynyń hattamasymen tanysý, sot otyrysynyń hattamasyna eskertýler daıyndaý jáne berý tártibi, úkim túrleri, sot aktilerine shaǵym jasaý;
sotta isti qysqartylǵan tártipte qaraý;
is júrgizý merzimderi, is júrgizý merzimderin uzartý jáne qalpyna keltirý;
advokattyń sot sheshimderine apellıasııalyq shaǵym jasaý erekshelikteri;
advokattyń apellıasııalyq shaǵymdar, narazylyqtar boıynsha isterdi qaraýǵa qatysýy, qorǵaýshynyń apellıasııalyq ınstansııaǵa mindetti qatysýy;
kassasııalyq shaǵym jasaý erekshelikteri, advokattyń kassasııalyq ınstansııaǵa qatysýy, advokattyń kassasııalyq ınstansııaǵa mindetti qatysýy;
apellıasııalyq jáne kassasııalyq shaǵym: jasaý, berý tártibi, rekvızıtteri, berý merzimderi jáne ony apellıasııalyq jáne kassasııalyq ınstansııalardyń otyrystarynda baıandaý tártibi;
advokattyń sot úkimin oryndaýǵa baılanysty máselelerdi sheshýge qatysýy, úkimdi oryndaýǵa baılanysty sot qaýlylaryna shaǵym jasaý tártibi;
advokattyń zańdy kúshine engen sot sheshimderin qaıta qaraý boıynsha is júrgizýge qatysýy, sot úkimderi men qaýlylaryn sottyq qadaǵalaý tártibimen qaıta qaraý týraly ótinishterdi jasaý jáne berý tártibi, advokattyń ótinishti aldyn ala qaraýǵa jáne qadaǵalaý alqasynyń otyrysyna qatysýynyń erekshelikteri, advokattyń qadaǵalaý ınstansııasyndaǵy sotqa mindetti qatysý negizderi;
is boıynsha is júrgizýdi jańadan ashylǵan mán-jaılarǵa baılanysty qaıta qozǵaý kezeńinde advokattyń qatysýynyń is júrgizý jáne rásimdik máseleleri;
advokattyń qylmystyq is júrgizýge jábirlenýshiniń ókili, azamattyq talap qoıýshy jáne jaýapker retinde qatysýy;
qylmystyq is júrgizýdegi azamattyq talap aryz;
advokat alqabılerdiń qatysýymen ótetin sotta: advokattyń qorǵaýshy nemese ókil retinde qatysýynyń erekshelikteri, aldyn ala tyńdaý, alqabıler alqasyn qalyptastyrý, advokattyń sot tergeýine qatysýynyń is júrgizý erekshelikteri, taraptardyń jaryssózderinde sóz sóıleýiniń is júrgizý aspektileri, alqabıler alqasynyń sheshýi jatatyn máselelerdi qalyptastyrý jáne olardy qoıýǵa advokattyń qatysý erekshelikteri, alqabılerdiń qatysýymen sot shyǵarǵan úkimge shaǵym jasaý erekshelikteri;
isterdiń jeke sanattary boıynsha advokattyń qatysý erekshelikteri: medısınalyq sıpattaǵy, kámeletke tolmaǵandardyń isteri jáne jeke aıyptaý isteri boıynsha májbúrleý sharalaryn qoldaný;
isti taldaý zańgerdiń kásibı daǵdysy retinde, is boıynsha ustanymdy ázirleý jáne iske asyrý, advokattyń sotta jaýap alýdy ótkizý erekshelikteri;
advokattyń dáleldemelermen jumys isteýi, dáleldemelerdi jınaý jáne usyný tártibi, dáleldemelerdi taldaý;
6) advokat ákimshilik quqyq buzýshylyqtar týraly is júrgizýde:
ákimshilik quqyq buzýshylyq úshin jaza taǵaıyndaýdyń jalpy qaǵıdalary, ákimshilik jaza merzimderin esepteý, ikimshilik jaýapkershilikten jáne ákimshilik jazadan bosatý;
kámeletke tolmaǵandardyń ákimshilik jaýapkershiligi, kámeletke tolmaǵandarǵa ákimshilik jazany qoldaný erekshelikteri;
salyq salý salasyndaǵy ákimshilik quqyq buzýshylyqtar, ákimshilik sybaılas jemqorlyq quqyq buzýshylyqtar;
ákimshilik quqyq buzýshylyqtar týraly isterdi qaraýǵa ýákiletti organdar, ákimshilik quqyq buzýshylyqtar týraly ister boıynsha is júrgizýge qatysýshylar, olardyń quqyqtary men mindetteri, advokattyń ákimshilik is júrgizýge qatysýy;
qorǵaýshynyń mindetti qatysýy, qorǵaýshyny shaqyrý, taǵaıyndaý, aýystyrý, onyń eńbegine aqy tóleý, qorǵaýshydan bas tartý;
qorǵaýshynyń ókilettikteri, advokat jábirlenýshiniń ókili retinde;
laýazymdy tulǵalardyń is-áreketteri men sheshimderine olarǵa baǵynystylyq tártibimen shaǵym jasaý, qorǵanýshylardyń múddelerin ákimshilik materıaldardy qaraýǵa ókiletti organdarda bildirý, advokattardyń ákimshilik jaýapkershiligi;
7) advokat azamattyq is júrgizýde:
advokattyń ókil retinde qatysý negizderi, advokattyń azamattyq isti júrgizýge tapsyrmany qabyldaý sharttary, taraptyń ókili retinde advokattyń qatysýyn boldyrmaıtyn mán-jaılar;
azamattyq is boıynsha ókil ókil advokattyń ókilettikteri: jalpy jáne arnaıy;
azamattyq is boıynsha ustanymdy ázirleý jáne iske asyrý, ókil advokattyń quqyqtyq ustanymyna qoıylatyn talaptar, jumys kezeńderi;
azamattyq is júrgizý nysanynyń máni, negizgi belgileri jáne mańyzy;
azamattyq is júrgizýdegi sot isin júrgizý túrleri (talap qoıý, erekshe, erekshe talap qoıý, buıryq);
azamattyq is júrgizý qaǵıdattary men kezeńderi, azamattyq isterdiń vedomstvolyq baǵynystylyǵy jáne sotqa baǵynystylyǵy;
dáleldemelerdiń uǵymy, sottyń dáleldeýi, onyń máni, dáleldeý sýbektileri;
dáleldemelerdi jınaý jáne usyný tártibi, opponentterdiń dáleldemelerimen jumys isteý;
is júrgizý merzimderi, is júrgizý merzimderin uzartý jáne qalpyna
keltirý;
quqyqtar men zańdy múddelerdi qorǵaýdyń talap qoıý nysany, talap qoıý uǵymy men quqyqtyq tabıǵaty, jaýapkerdi qorǵaýdyń is júrgizý quraldary;
taraptardyń bitimgershilik kelisimi;
isterdiń túrli sanattary boıynsha jeke jáne zańdy tulǵalardyń múddelerin bildirý tártibi men erekshelikteri;
advokattyń azamattyq isterdi qaıta qaraý prosesine qatysýy: apellıasııalyq, kassasııalyq, qadaǵalaý ınstansııalary, azamattyq isterdi jańadan ashylǵan mán-jaılar boıynsha qaıta qaraý;
sot aktilerin sot qadaǵalaýy tártibimen qaıta qaraý týraly apellıasııalyq, kassasııalyq shaǵymdar men ótinishterdi jasaý tártibi;
8) daýlardy sheshýdiń balamaly tásilderi:
kelissózder, medıasııa, notarıat, tórelik;
aralyq sottardy qurý tártibi, uıymdastyrý jáne qyzmet qaǵıdattary, Qazaqstan Respýblıkasy aralyq sottarynyń sheshimderin oryndaý, azamattar men uıymdardyń quqyqtary men zańdy múddelerin qorǵaýdaǵy aralyq sottardyń mańyzy, aralyq talqylaý tártibi, aralyq sot sheshimderine shaǵym jasaý jáne ony oryndaý tártibi;
9) zańdy tulǵalardy quqyqtyq qamtamasyz etý, kásipkerlikti qorǵaý boıynsha advokattyq qyzmet:
zańdy tulǵalardy quqyqtyq qamtamasyz etý túrleri men negizgi máseleleri, advokattyń kontragenttermen kelissózderge qatysýy, sharttardy, kelisimderdi jáne zańdy tulǵanyń basqa da jeke qujattaryn jasaý, advokattyń zańdy tulǵanyń ókili retinde memlekettik jáne ózge de organdarmen jáne olardyń laýazymdy tulǵalarymen ózara is-qımyly, sharttyq-talap qoıý jumysy jáne mámilelerdiń oryndalýyn súıemeldeý;
advokattyń kásipkerlikti zańgerlik qorǵaý boıynsha qyzmetin quqyqtyq retteý jáne onyń erekshelikteri, advokattyń kásipkerlik qyzmet salasynda júzege asyratyn zańgerlik qorǵaý túrleri: qurylatyn sharýashylyq sýbektilerdiń uıymdastyrý-quqyqtyq nysandaryn tańdaý, quqyqtyq qorytyndylardy daıyndaý, memlekettik baqylaýdy júzege asyratyn organdarmen senimgerlerdiń múddelerin bildirý;
10) advokattar kórsetetin zańdy kómektiń ózge de túrleri:
zańgerlik kómek alýǵa júgingen tulǵalardyń múddelerin memlekettik organdarda jáne ózge de uıymdarda bildirý;
advokattyń konstıtýsııalyq is júrgizýge qatysýshynyń ókili retinde Konstıtýsııalyq Keńeske qatysýy;
adamnyń quqyqtary, bostandyqtary men zańdy múddelerin qorǵaý salasynda Qazaqstan Respýblıkasy ratıfıkasııalaǵan halyqaralyq sharttarmen tanysý;
advokattyq qyzmet salasyndaǵy halyqaralyq qujattarmen tanysý;
advokattyń sot aktilerin oryndaý kezeńine qatysýy;
salyq organdarynda, ózge de memlekettik organdar men uıymdarda, azamattarmen ózara qarym-qatynastarda senimgerlerdiń múddelerin bildirý;
advokattyń prokýratýra organdarymen ózara is-qımyly;
advokattyń halyqaralyq uıymdarmen ózara is-qımyly.
2. Praktıkalyq bólim
Taǵylymdamadan ótý kezeńinde advokattardyń taǵylymdamadan ótýshileri jasaýy qajet bolatyn is júrgizý qujattary jobalarynyń tizbesi:
1) talap aryzdar:
nekeni buzý jáne múlikti bólý týraly;
alımentterdi óndirip alý týraly;
áke bolýdy anyqtaý týraly;
jalaqyny, zeınetaqy jáne járdemaqyny óndirip alý týraly;
eńbek, zeınetkerlik jáne turǵyn úı quqyqtaryn qalpyna keltirý týraly;
zańsyz sottaýdan, qylmystyq jaýapkershilikke zańsyz tartylýdan, bultartpaý sharalaryn zańsyz qoldanýdan ne ákimshilik qamaý túrinde ákimshilik jazany zańsyz qoldanýdan azamatqa keltirilgen zııandy óteýge baılanysty;
azamatty habar-osharsyz ketken dep taný týraly;
azamatty qaıtys boldy jarııalaý týraly;
muragerlik quqyǵy týraly kýáligin jaramsyz dep taný týraly;
satý-satyp alý shartyn jaramsyz dep taný týraly;
syıǵa tartý shartyn jaramsyz dep taný týraly;
kepilge berý shartyn jaramsyz dep taný týraly;
materıaldyq zalaldy jáne moraldyq zııandy óteý týraly;
zańdy tulǵany qurý, qaıta uıymdastyrý jáne taratýǵa baılanysty;
jer ýchaskelerine, ǵımarattarǵa, úı-jaılarǵa, qurylystarǵa, basqa da obektilerge quqyqtar týraly;
jermen berik baılanysty (jyljymaıtyn múlik);
2) ótinishter:
saraptama taǵaıyndaý týraly;
mamandy is júrgizý is-áreketterine qatysýǵa tartý týraly;
dáleldemelerdi suratyp aldyrý týraly;
jabyq sot otyrysyn ótkizý týraly;
isti jaýapkerdiń turǵylyqty jeri boıynsha sotqa tapsyrý týraly;
tıisti emes jaýapkerdi tıisti jaýapkerge aýystyrý týraly;
kýáni shaqyrý týraly;
zań kómegine aqy tóleýden tolyq nemese ishinara bosatý týraly;
ótip ketken merzimdi qalpyna keltirý týraly;
talap qoıýdy qamtamasyz etý týraly;
isti talqylaýdy keıinge qaldyrý týraly;
ózge de máseleler boıynsha;
3) aryzdar:
sottyń qaraýyna jatpaıtyny týraly;
qarsylyq bildirý týraly;
talap aryzdan bas tartý týraly;
dáleldemelerdi qamtamasyz etý týraly;
4) zańdy kúshine engen sot aktisine daý aıtý (shaǵym jasaý) týraly apellıasııalyq, kassasııalyq shaǵymdar men ótinishter:
muragerlik quqyǵy týraly kýáligin jaramsyz dep taný týraly;
satyp alý-satý shartyn jaramsyz dep taný týraly;
syıǵa tartý shartyn jaramsyz dep taný týraly;
materıaldyq zalaldy jáne moraldyq zııandy óteý týraly;
jalaqyny, zeınetaqy jáne járdemaqyny óndirip alý týraly;
eńbek, zeınetaqy jáne turǵyn úı qatynastaryn qalpyna keltirý týraly;
zańsyz sottaýdan, qylmystyq jaýapkershilikke zańsyz tartylýdan, bultartpaý sharalaryn zańsyz qoldanýdan ne ákimshilik qamaý túrinde ákimshilik jazany zańsyz qoldanýdan azamatqa keltirilgen zııandy óteý týraly;
5) zańdy kúshine engen sot aktilerin mynadaı qylmystar jasaǵanda qaıta qaraý týraly apellıasııalyq, kassasııalyq shaǵymdar, ótinishter:
kisi óltirý;
densaýlyqqa qasaqana aýyr zııan keltirý;
zorlaý;
urlyq;
tonaý;
alaıaqtyq;
qorqytyp alý;
jala jabý;
balalaryn asyraýǵa arnalǵan qarajatty tóleýden ádeıi jaltarý;
eńbekti qorǵaý erejelerin buzý;
jerge arnalǵan zattaı quqyqtardy buzý;
zańsyz kásipkerlik;
laýazymdyq ókilettikterdi teris paıdalaný;
para alý;
buzaqylyq;
esirtki quraldaryn nemese psıhotroptyq zattardy zańsyz daıyndaý, óńdeý, satyp alý, saqtaý, tasymaldaý, jóneltý nemese ótkizý;
6) advokattyq is júrgizý, mańyzy, maqsaty jáne ony qalyptastyrý tártibi.
Advokattardyń taǵylymdamadan ótýshileriniń
taǵylymdamadan ótý tártibi týraly erejege 2-qosymsha
Nysan
_________________________advokattar
(alqanyń ataýy)
alqasy tóralqasynyń otyrysynda bekitildi
_____ jylǵy № _____ hattama
Advokattar alqasy tóralqasynyń tóraǵasy_________________________
qoly t.a.á.
Taǵylymdamadan ótkeni týraly
qorytyndy
Taǵylymdamadan ótýshi ________________________________________
tolyq t.a.á.
advokattar alqasy tóralqasynyń _____ jylǵy № ______ qaýlysynyń jáne _______ jylǵy №______ taǵylymdamadan ótý týraly sharttyń negizinde taǵylymdamadan ótti.
Taǵylymdama jetekshisi bolyp _____________ jyldan asa advokattyq qyzmet ótili bar _____________________________________________________
tolyq ataýy
zań konsýltasııasy/advokat keńsesi arqyly advokattyq qyzmetti júzege asyratyn advokat _____________________________________________________________________________________________
tolyq t.a.á., ________ jylǵy №_________ lısenzııa
taǵaıyndalǵan.
Taǵylymdamadan ótý merzimi ________ jyldan bastap ___ jylǵa deıin bir jylǵa belgilengen.
Taǵylymdamadan ótý merzimi advokattar alqasy tóralqasynyń ___ jylǵy qaýlysynyń negizinde ________ aıǵa deıin qysqartylǵan.
Taǵylymdamadan ótý ýaqytynda taǵylymdamadan ótýshi ________________________________________________________________ taǵylymdamadan ótýdiń jeke
tolyq t.a.á.
baǵdarlamasyn tolyq oryndady.
Taǵylymdama jetekshisi _______________________________________
qoly t.a.á.
Advokattardyń taǵylymdamadan
ótýshileriniń taǵylymdamadan ótý
tártibi týraly erejege 3-qosymsha
Nysan
Taǵylymdama kúndeligi
Advokattyń taǵylymdamadan ótýshisi ______________________________
t.a.á.
Taǵylymdamadan ótý orny ___________________________________
t.a.á.
Taǵylymdamadan ótý kúni: ______ jyldan bastap ______ jylǵa deıin
Taǵylymdamanyń jetekshisi __________________________________
Kúni Oryndalǵan jumystardyń qysqasha mazmuny Taǵylymdama jetekshisiniń usynystary men eskertýleri Taǵylymdamadan ótýshiniń qoly Taǵylymdama jetekshisiniń qoly
Buıryq Qazaqstan Respýblıkasynyń Ádilet mınıstrliginde 2013 jylǵy 8 mamyrda Normatıvtik quqyqtyq kesimderdi memlekettik tirkeýdiń tizilimine № 8454 bolyp engizildi.