Búgin jańadan ashylǵan Uly Dala kópirinde qozǵalys bastaldy. Bul tez damyp kele jatqan megapolıstiń kólik ınfraqurylymy úshin strategııalyq mańyzy bar kópirlerdiń biri, dep habarlaıdy Egemen.kz qala ákimdigine silteme jasap .
«Kópir Esil aýdanynyń dańǵyldaryn, atap aıtqanda, Máńgilik el dańǵyly, A.Baıtursynov, R. Qoshqarbaev, J.Nájimedenov, Nova city aýdany, «Myńjyldyq» alleıasyn, «Telman», «Promyshlennyı» TM-in aıtarlyqtaı jeńildetýge múmkindik beredi», delingen ákimdik habarlamasynda.
Jańa kópir júkteme boıynsha barlyq zamanaýı talaptarǵa sáıkes keledi, qazirgi ýaqytta onyń júrý bóligi avtomobıl qozǵalysy úshin ashyq, biraq kópirdiń ózin jáne trotýar bóligin abattandyrý jumystary áli de jalǵasýda.
Aıta ketsek, qalada Táýelsizdik dańǵylyndaǵy kópirdiń qurylysy jalǵasýda, ol 2023 jyly ashylady. Atalǵan kópir Táýelsizdik dańǵyly, jańa temirjol vokzalynyń aýdany, Qoshqarbaev dańǵyly, Nájimedenov kóshesi, Haziret Sultan meshitiniń aýdany, Baıtursynov, Qordaı, Aınakól, Momyshuly dańǵyldarynyń sol jaq jaǵalaýymen qosymsha baılanysty qamtamasyz etýge múmkindik beredi.