ALMATY. 6 mamyr. Osydan birneshe jyl buryn sý tasqyny saldarynan qara jamylǵan Almaty oblysyndaǵy Qyzylaǵash aýylynyń turǵyndary Kókpekti aýylyna gýmanıtarlyq kómek joldady. Bul týraly gazeta.kz habarlady.
Bastaryna qıyn kún týǵanda talaıdan materıaldyq járdem, rýhanı kúsh alǵan qyzylaǵashtyqtar Qaraǵandy oblysyndaǵy Kókpekti aýylynyń turǵyndaryna shyn yqylastarymen 10 tonna azyq-túlik: un, qant, makaron ónimderin, ósimdik maıy men túrli táttiler jibergen.
«Nur Otan» partııasy aýdandyq fılıaly ókilderiniń aıtýynsha, zardap shekken eldi meken turǵyndary qyzylaǵashtyqtardyń oń peıilderine alǵystaryn bildirdi.
Sý tasqynynan zardap shekken Qaraǵandy oblysy Buqar jyraý aýdany Kókpekti aýylyna elimizdiń túkpir-túkpirinen túrli qaıyrymdylyq kómekter kelýde.
Joldybaı Bazar.
Derekkóz: gazeta.kz.
Foto: gazeta.kz.